Sila Mapasalamaton sa Gugma sa Diyos

● Gitudloan kita ni Jesus nga magmapasalamaton sa gugma sa Diyos. Siya miingon: “Gihigugma pag-ayo sa Diyos ang kalibotan nga gihatag niya ang iyang bugtong nga Anak [si Jesus], aron nga ang tanan nga magpasundayag ug pagtuo kaniya dili malaglag kondili makabaton ug kinabuhing walay kataposan.” (Juan 3:16) Ang gugma sa Diyos kanato ug ang nindot nga palaaboton nga nahimong posible tungod sa paghatag sa iyang Anak ingong gasa gihisgotan diha sa librong Pakigsuod Kang Jehova.

Usa ka babaye sa Florida, U.S.A., misulat: “Human sa pagbasa sa kapitulo 5, mapasalamaton kaayo ko sa gugma, kaalam, ug dakong gahom ni Jehova. Sa mamalandong ko sa iyang kalalangan, ang akong kasingkasing nahupngan sa paghigugma kaniya.” Usa ka babaye nga taga-South Dakota, U.S.A., miingon: “Kapin sa 30 ka tuig, naglisod ko sa pagpakitag gugma (o sa pagbati nga ako gihigugma). Kining libroha lang ang nakatabang nako.”

Ang 320 ka panid nga librong Pakigsuod Kang Jehova naghisgot sa pangunang mga hiyas sa Diyos nga gahom, hustisya, kaalam, ug gugma. Makahangyo kag kopya pinaagi sa pagpil-ap sa kupon sa ubos ug sa pagpadala niini sa adres diha sa panid 5 niining magasina.

□ Interesado akong makadawat ug kopya sa librong gipakita dinhi.

□ Palihog kontaka ako bahin sa usa ka libreng pagtuon sa Bibliya sa balay.