Unsay Imong Pag-isip Kang Jesus?

Imo bang giisip si Jesus ingong usa ka bag-ong nahimugso, himalatyong tawo, o tinuboy nga Hari?

Gipakita sa Bibliya nga si Jesus maoy usa ka gamhanang Hari. Apan unsay kahulogan niini alang kanimo?

Daghan ang nagtuo nga si Jesus namatay alang kanila. Apan sa unsang paagi ang kamatayon sa usa ka tawo duolag 2,000 ka tuig kanhi magkahulogag kinabuhi alang sa uban karon?

Ikaw gidapit sa pagpatalinghog sa Kasulatanhong tubag niining mga pangutanaha. Kini ipresentar sa dihang handomon sa mga Saksi ni Jehova ang kamatayon ni Jesus. Niining tuiga, kini saulogon sa Huwebes, Abril 5, human sa pagsalop sa adlaw.

Palihog kontaka ang mga Saksi ni Jehova sa inyong lugar labot sa oras ug dapit.