Ang Iyang Lolo Bag-o Pang Namatay

● “Dili ko Saksi ni Jehova,” misulat ang usa ka lalaki ngadto sa sangang buhatan sa mga Saksi ni Jehova sa Mexico, “pero ganahan kaayo kong mobasa sa inyong mga magasin. Usa niini naghisgot sa brosyur nga Sa Dihang ang Imong Minahal Mamatay. Nainteres ko niini. Natunong pod nga bag-o pang namatay ang akong Lolo. Gusto kog walo ka kopya niini para sa akong pamilya aron mahupayan sila.”

Gitubag niini nga brosyur ang mga pangutana nga: Sa unsang paagi masagubang ko ang akong kaguol? Ug aduna bay paglaom alang sa mga patay? Gihisgotan niini ang giingon sa Bibliya bahin sa kamatayon ug sa kahimtang sa patay. Kini naghisgot usab sa saad sa Diyos nga pinaagi ni Jesu-Kristo banhawon ang mga patay diha sa nahinloan nga paraisong yuta.

Makahangyo kag kopya pinaagi sa pagpil-ap sa kupon ug sa pagpadala niini sa adres nga makita sa panid 5 niining magasina.

□ Gusto kong makadawat ug libreng kopya niini nga brosyur.

□ Palihog kontaka ko alang sa libreng pagtuon sa Bibliya.