Kanus-a Angay Nimong Sugdan Pagtudlo ang Imong Anak?

● Usa ka lalaki sa Summerville, South Carolina, U.S.A., misulat nga sa tulo pa lang ka bulan nga mabdos ang iyang asawa, siya mohigda tupad niya kada gabii ug mobasag libro nga Akong Basahon sa mga Estorya sa Bibliya. “Sa natawo ang among anak nga si Bethiah,” miingon ang amahan, “padayon namo siyang gibasahan—usa ka estorya matag gabii, hangtod nga nabasa namo ang libro tulo ka beses.”

Siya mipadayon: “Bisag dili pa kaayo makamaong mosulti si Bethiah, siya makaila nag daghang karakter sa Bibliya ug makaaksiyon-aksiyon nag daghang estorya diha sa libro. Nakasag-ulo usab siyag daghang estorya sa Bibliya.”

Ang 116 ka estorya niining nindot ug mga hulagway ug dagkog letrang publikasyon gisunod-sunod paghan-ay sumala sa panahong nabuhi ang mga karakter sa Bibliya, busa makahatag usab sa mga magbabasa ug kahibalo sa kronolohiya sa Bibliya. Makahangyo kag kopya niining 256-panid nga libro pinaagi sa pagpil-ap sa kupon sa ubos ug sa pagpadala niini sa adres diha sa panid 5 niining magasina.

□ Gusto kong makadawat ug libreng kopya niini nga libro.

□ Palihog kontaka ko alang sa libreng pagtuon sa Bibliya.