Unsa nay Nahitabo sa Pagtahod sa Kaugalingon?
KON NGANONG IMPORTANTE ANG PAGTAHOD SA KAUGALINGON
Ang mga tawong may pagtahod sa kaugalingon mas naay kompiyansa sa pag-atubang sa mga problema. Di dayon sila mosurender.
-
Gipakita sa research nga kadtong walay pagtahod sa kaugalingon mas daling malumsan sa kabalaka, ma-depress, ug makasinatig eating disorder. Mas dako pod ug purohan nga magpalabi silag inom ug magdroga.
-
Ang mga tawo nga naay pagtahod sa ilang kaugalingon dili magkompara sa ilang kaugalingon ngadto sa uban, ug tungod niana mas dali silang ikasinabot ug daghan silag masuod nga higala. Pero kadtong wala kaayoy pagtahod sa kaugalingon posibleng mahimong hinawayon, ug makadaot ni sa iyang relasyon sa uban.
-
Bisag makaatubang ug mga problema, ang mga tawo nga naay pagtahod sa kaugalingon dili daling maluya. Dili nila tugotan ang mga problema nga makapugong nila sa pagkab-ot sa ilang tumong. Pero para niadtong wala kaayoy pagtahod sa kaugalingon, ang gagmayng problema morag dagko na kaayo. Tungod niana, mahimong mosurender sila dayon.
ANG IMONG MAHIMO
Pagpilig maayong mga higala. Pakig-uban sa mga tawo nga matinahoron, naghunahuna gyod sa imong kaayohan, ug mopalig-on nimo dihang maluya ka.
Tabangi ang uban. Kon buotan ka ug mohimog maayo ngadto sa uban—bisan niadtong walay ikabalos nimo—mobati kag tinuod nga kalipay. Ug kana gihapoy imong bation bisan pa tingalig dili mamatikdan sa uban ang imong maayong mga gihimo.
Tabangi ang imong mga anak sa pagpakitag pagtahod sa ilang kaugalingon. Pananglitan, tugoti sila sa pagsulbad sa ilang kaugalingong problema kutob sa ilang makaya. Makatabang ni nila nga makakat-on sa pag-atubang sa lisod nga mga kahimtang. Pinaagi ani, makabaton silag kompiyansa ug pagtahod sa kaugalingon, nga makatabang nila ilabina kon managko na sila.
ANG AMONG GINAHIMO
Ang mga tigom ug ang programa sa pagtuon sa Bibliya sa mga Saksi ni Jehova dakog natabang sa kinabuhi sa mga tawo ug sa pagtahod nila sa ilang kaugalingon.
ANG AMONG MGA TIGOM
Sa among senemanang panagkatigom, nakabenepisyo mi sa pagpaminaw sa binase sa Bibliya nga mga pakigpulong nga sagad naay mga sugyot kon unsaon nga makabaton ug pagtahod sa kaugalingon. Ang among mga tigom libre ug puwedeng motambong ang tanan. Pananglitan, sa among mga tigom makakat-on ka . . .
-
kon nganong importante ka sa Diyos
-
kon unsaon pagpangitag tinuod nga katuyoan sa kinabuhi
-
kon unsaon nga makakita kag tinuod nga mga higala
Makakita pod kag buotang mga higala nga naa gyoy sinserong “pagtagad alang sa usag usa.”—1 Corinto 12:25, 26.
Aron mahibalog dugang bahin sa among mga tigom, i-search sa jw.org ang mubong video nga Unsay Ginahimo Diha sa Kingdom Hall?
ANG AMONG PAGTUDLO BAHIN SA BIBLIYA
Naa mi libreng interactive nga pagtuon sa Bibliya gamit ang librong Mabuhi Ka Hangtod sa Hangtod! Kini nga libro naay mga teksto sa Bibliya, dali sabton nga mga impormasyon ug pangutana, ug nindot nga mga video ug picture. Kini nga pagtuon sa Bibliya makatabang sa mga tawo nga mas magmalipayon sa ilang kinabuhi ug mobating gipabilhan sila.
Aron mahibalo kon sa unsang paagi makatabang nimo ang pagtuon sa Bibliya uban ang mga Saksi ni Jehova, i-search sa jw.org ang video nga Nganong Tun-an ang Bibliya?
Basin Ganahan Pod Ka
PAGMATA!
Kon Unsaon Pagpakitag Pagtahod
Hinungdanon nga ang bana ug asawa magpakita kanunay ug pagtahod. Sa unsang paagi ikapakita nimo nga nagtahod ka sa imong kapikas?
TUBAG SA MGA PANGUTANA BAHIN SA BIBLIYA
Unsay Giingon sa Bibliya Bahin sa Paghigugma sa Kaugalingon?
Si Jesus miingon: “Higugmaon mo ang imong silingan sama sa imong kaugalingon.” Unsay iyang ipasabot?
BAHIN KANAMO
Hangyo nga Magpaduaw
Pakighisgot bahin sa usa ka topic sa Bibliya, o pagkat-og dugang bahin sa mga Saksi ni Jehova.
BAHIN KANAMO
Tambong ug Tigom
Sayra ang bahin sa among mga tigom. Pangitag tigomanan nga duol sa inyo.
