Ang tubag niining pangutanaha makaapektar sa atong panglantaw sa kinabuhi.

Nganong gihimo sa Diyos ang tanang nindot nga butang unya tugotan ra man diay niya nga mag-antos ang tawo?

Tungod sa pag-antos, gikuwestiyon sa dili relihiyosong mga tawo ang motibo sa Diyos o kon naa ba gyoy Diyos. Kay naa may pag-antos, nagtuo sila nga (1) ang Diyos walay gahom sa pagwagtang niana, (2) ang Diyos walay pagtagad sa pag-antos sa tawo, o (3) walay Diyos.

Mao lang ba gyod nâ ang posibleng mga rason?

Wala ta buhata sa Diyos aron mag-antos.

Gusto niya nga malipay ta sa atong kinabuhi.

“Wala nay mas maayo alang [sa mga tawo] kay sa paglipay ug pagbuhat ug maayo samtang buhi pa sila, ug nga ang matag usa mokaon ug moinom ug malipay sa tanan niyang paghago. Kini ang gasa sa Diyos.”​—ECCLESIASTES 3:12, 13.

Gihatag sa Diyos kang Adan ug Eva ang hingpit nga kahimtang sa kinabuhi.

Wala niya sila buhata​—o ang ilang mga kaliwat—​aron mag-antos.

“Ang Diyos nagpanalangin kanila ug miingon: ‘Panganak mo ug pagdaghan, pun-a ang yuta ug gamhi kini.’”​—GENESIS 1:28.

Gipili ni Adan ug Eva nga dili mosunod sa Diyos.

Ingong resulta, sila ug ang ilang mga kaliwat grabeng nag-antos.

“Ang sala misulod sa kalibotan pinaagi sa usa ka tawo ug ang kamatayon pinaagi sa sala, ang kamatayon mikaylap sa tanang tawo tungod kay silang tanan nakasala man.”​—ROMA 5:12. *

Wala ta buhata sa Diyos nga dili magpagiya kaniya.

Wala ta buhata aron mohimog kaugalingong mga sukdanan sa kinabuhi sama nga wala ta buhata aron mabuhi ilalom sa tubig.

“Dili iya sa tawong naglakaw bisan ang pagtultol sa iyang lakang.”​—JEREMIAS 10:23.

Dili gusto sa Diyos nga mag-antos ta.

Gusto niya nga magkinabuhi ta nga walay mga problema, kutob sa mahimo.

“Kon mamati lang unta ka sa akong mga sugo! Ang imong kalinaw mahisama gayod sa suba.” ​—ISAIAS 48:⁠18.