NIADTONG Miyerkoles sa buntag, Enero 24, 2018, ang pamilyang Bethel sa United States ug Canada nalipay sa pagkadungog sa espesyal nga pahibalo: Si Brader Kenneth Cook, Jr., nadugang sa Nagamandong Lawas sa mga Saksi ni Jehova.

Si Brader Cook natawo ug nagdako sa Pennsylvania, U.S.A. Nahibaloan niya ang kamatuoran gikan sa iyang klasmet sa hapit na siyang mograduwar sa hayskul ug nabawtismohan siya niadtong Hunyo 7, 1980. Nagsugod siya pagregular payunir niadtong Septiyembre 1, 1982. Human magpayunir ug duha ka tuig, giimbitar siya sa Bethel, nga nagsugod pag-alagad sa Wallkill, New York, niadtong Oktubre 12, 1984.

Sa misunod nga 25 ka tuig, si Brader Cook nakaalagad sa lainlaing asaynment diha sa Printery ug Bethel Office. Naminyo siya kang Jamie niadtong 1996, ug si Jamie miuban niya sa Wallkill. Niadtong Disyembre 2009, si Brader ug Sister Cook gibalhin ngadto sa Watchtower Educational Center sa Patterson, New York, diin si Brader Cook naasayn sa Writing Correspondence Department. Niadtong Abril 2016, human makaalagad ug kadiyot sa pasilidad sa Wallkill, si Brader ug Sister Cook gibalhin ngadto sa Brooklyn, New York. Lima ka bulan sa ulahi, mibalhin sila sa hedkuwarter sa Warwick, New York. Niadtong Enero 2017, si Brader Cook natudlo ingong katabang sa Komite sa Pagpanulat sa Nagamandong Lawas.