“Magmaisogon . . . ug Lihok”
“Magmaisogon ug magmakusganon ug lihok. Ayaw kahadlok ni malisang, kay si Jehova . . . nag-uban kanimo.”—1 CRON. 28:20.
1, 2. (a) Unsang importanteng asaynment ang nadawat ni Solomon? (b) Nganong nabalaka si David bahin kang Solomon?
GISUGO si Solomon sa pagdumala sa usa sa pinakaimportanteng proyekto sa pagpanukod—ang templo sa Jerusalem. Ang templo mahimong “labi gayod ka halangdon,” ug kini mailado sa tanang nasod tungod sa talagsaong kanindot niini. Mas labaw pa, mahimo kining “balay ni Jehova nga matuod nga Diyos.” Giasayn ni Jehova si Solomon ingong tigdumala niini nga proyekto.—1 Cron. 22:1, 5, 9-11.
2 Dakog pagsalig si Haring David nga tabangan ni Jehova si Solomon. Pero “batan-on ug linghod pa” si Solomon. Duna kahay kaisog si Solomon sa pagtuman sa asaynment nga tukoron ang templo? Mahimo kahang babag ang iyang pagkabatan-on ug kawalay kasinatian? Aron molampos, si Solomon kinahanglang magmaisogon ug molihok.
3. Unsay nakat-onan ni Solomon bahin sa kaisog sa iyang amahan?
3 Lagmit daghag nakat-onan si Solomon sa kaisog sa iyang amahan. Sa batan-on pa si David, gipatay niya ang isog nga mga hayop nga midagit ug karnero sa iyang amahan. (1 Sam. 17:34, 35) Isog kaayo siyang nakig-away sa usa ka gikahadlokang higante nga sundalo. Oo, sa tabang ni Jehova ug pinaagi sa hamis nga bato, napildi ni David si Goliat.—1 Sam. 17:45, 49, 50.
4. Nganong kinahanglang magmaisogon si Solomon?
1 Cronicas 28:20.) Kon dili magmaisogon si Solomon, madaog siya sa kahadlok. Kon mahitabo kana, lisod kaayo para niya bisan ang pagsugod sa iyang asaynment.
4 Angayan gyod si David nga modasig kang Solomon nga magmaisogon ug tukoron ang templo! (Basaha ang5. Nganong nagkinahanglan tag kaisog?
5 Sama kang Solomon, nagkinahanglan tag tabang ni Jehova aron magmaisogon ug matuman ang buluhaton. Busa, hisgotan nato ang mga ehemplo sa kaisog kaniadto. Pamalandongon sab nato kon unsaon nato pagpakita ang kaisog ug matuman ang atong buluhaton.
MGA EHEMPLO SA KAISOG
6. Nganong nakadayeg ka sa kaisog ni Jose?
6 Konsideraha ang kaisog nga gipakita ni Jose dihang gitental siya sa asawa ni Potipar nga makigdulog. Nasayod siya nga mameligro ang iyang kinabuhi kon mobalibad siya. Pero imbes magpadaog, nagpakita siyag kaisog ug milihok dayon.—Gen. 39:10, 12.
7. Hisgoti ang gipakitang kaisog ni Rahab. (Tan-awa ang hulagway sa sinugdan sa artikulo.)
7 Ang laing ehemplo sa kaisog mao si Rahab. Dihang ang mga espiya sa Israel miadto sa iyang balay sa Jerico, puwede unta siyang magpadaog sa kahadlok ug isumbong sila. Pero tungod sa iyang pagsalig kang Jehova, maisogon niyang gitago ang duha ka lalaki ug gitabangan sila aron luwas nga makaikyas. (Jos. 2:4, 5, 9, 12-16) Giila ni Rahab nga si Jehova ang tinuod nga Diyos, ug kombinsido siya nga ihatag ni Jehova ang yuta ngadto sa mga Israelinhon. Wala siya mahadlok sa tawo, bisan sa hari ug sa mga sundalo sa Jerico. Hinuon, siya milihok ug tungod niana, siya ug ang iyang pamilya naluwas.—Jos. 6:22, 23.
8. Unsay epekto sa kaisog ni Jesus ngadto sa mga apostoles?
8 Ang matinumanong mga apostoles ni Jesus maoy mga ehemplo sa kaisog. Nakita nila ang kaisog nga gipakita ni Jesus. (Mat. 8:28-32; Juan 2:13-17; 18:3-5) Ang maong panig-ingnan nakatabang nila sa pagpakitag kaisog. Dihang gisupak sa mga Saduseo, ang mga apostoles wala moundang sa pagpanudlo bahin kang Jesus.—Buh. 5:17, 18, 27-29.
9. Sumala sa 2 Timoteo 1:7, sa unsang paagi mahimo tang maisogon?
9 Si Jose, Rahab, Jesus, ug ang mga apostoles nagpakitag kaisog sa pagbuhat kon unsay maayo. Ang ilang kaisog dili bunga sa ilang pagsalig sa kaugalingon. Sila misalig kang Jehova. Makaatubang sab tag mga situwasyon diin kinahanglan tang magmaisogon. Imbes mosalig sa kaugalingon, kinahanglang mosalig ta kang Jehova. (Basaha ang 2 Timoteo 1:7.) Atong hisgotan ang duha ka bahin sa kinabuhi nga gikinahanglan ang kaisog: Sa atong pamilya ug sa kongregasyon.
MGA SITUWASYON NGA MAGMAISOGON
10. Nganong ang mga batan-on nagkinahanglag kaisog?
10 Ang Kristohanong mga batan-on makaatubang ug daghang situwasyon nga magkinahanglan sa ilang kaisog sa pag-alagad kang Jehova. Makakat-on ug makasundog sila sa ehemplo ni Solomon dihang nagpakita siyag kaisog sa paghimog maalamong mga desisyon aron mahuman ang templo. Bisag puwede ug kinahanglan silang magpagiya sa ilang mga ginikanan, sila angayng mohimog importanteng mga desisyon. (Prov. 27:11) Gikinahanglan nila ang kaisog sa paghimog maalamong desisyon bahin sa maayong panagkauban, kalingawan, moral nga kahinlo, ug bawtismo. Ngano? Kay gisupak nila si Satanas, ang usa nga nagtamay sa Diyos.
11, 12. (a) Nganong maayong ehemplo sa kaisog si Moises? (b) Unsaon pagsundog sa mga batan-on si Moises?
Heb. 11:24-26) Busa gipanalanginan siya ni Jehova, ug seguradong daghan pang panalangin ang naghulat para niya sa umaabot.
11 Usa sa importanteng desisyon sa mga batan-on mao ang bahin sa ilang mga tumong. Sa ubang nasod, ang mga batan-on gipresyur sa pagtinguhag mas taas nga edukasyon ug dagkog suweldong trabaho. Sa ubang lugar, tungod sa kalisod sa ekonomiya, lagmit bation sa mga batan-on nga kinahanglan silang magpokus sa pagsuportar sa materyal nga panginahanglan sa ilang pamilya. Kon nakaatubang kag samang situwasyon, sundoga si Moises. Kay gipadako sa anak nga babaye ni Paraon, puwede untang himoong prayoridad ni Moises nga mahimong prominente o dato. Seguradong gipresyur siya sa iyang Ehiptohanong pamilya, mga magtutudlo, ug magtatambag! Imbes magpadaog, lig-ong gibarogan ni Moises ang putli nga pagsimba. Dihang gibiyaan niya ang hayahayng kinabuhi sa Ehipto, si Moises nagmaisogon ug misalig kang Jehova. (12 Sa susama, panalanginan ni Jehova ang mga batan-on nga maisogong naningkamot sa pagkab-ot sa ilang espirituwal nga mga tumong ug sa pag-una sa buluhaton sa Gingharian. Tabangan sila ni Jehova aron matagan-an ang panginahanglan sa ilang pamilya. Niadtong unang siglo, ang batan-ong si Timoteo nagpokus sa iyang espirituwal nga mga tumong, ug mahimo sab nâ nimo. *—Basaha ang Filipos 2:19-22.
Determinado ba ka sa pagpakitag kaisog sa tanang bahin sa imong kinabuhi? (Tan-awa ang parapo 13-17)
13. Sa unsang paagi ang kaisog nakatabang sa usa ka sister nga makab-ot iyang mga tumong?
13 Usa ka sister sa Alabama, U.S.A., ang nagkinahanglag kaisog sa paghimog espirituwal nga mga tumong. Siya misulat: “Maulawon kaayo ko sukad sa pagkabata. Maulaw kong makig-estorya sa mga igsoon sa Kingdom Hall, samot na ang pagtuktok sa pultahan sa tawong wala nako mailhi.” Pinaagi sa tabang sa iyang ginikanan ug sa mga igsoon sa kongregasyon, nakab-ot sa maong sister ang iyang tumong nga mahimong regular payunir. Siya miingon: “Gipasiugda sa kalibotan ni Satanas nga maayong mga tumong ang pagkuhag mas taas nga edukasyon, pagkahimong sikat, pagpadato, ug pagpamalit ug daghang butang. Kasagaran, dili gyod ni makab-ot ug moresulta lag stress o kaguol. Pero ang pag-alagad kang Jehova nakahatag nakog tinuod nga kalipay ug katagbawan.”
14. Unsa ang pipila ka kahimtang nga kinahanglang ipakita sa Kristohanong mga ginikanan ang kaisog?
14 Nagkinahanglan sab ug kaisog ang Kristohanong mga ginikanan. Pananglitan, hangyoon ka sa imong amo nga mag-obertaym kada gabii o sa weekend—mga panahon nga para unta sa pamilyahanong pagsimba, pagsangyaw, ug sa tigom. Gikinahanglan ang kaisog sa pagbalibad sa maong hangyo ug sa pagpakitag maayong panig-ingnan sa imong mga anak. O tingali pipila sa mga ginikanan sa kongregasyon ang nagtugot sa ilang mga anak sa pagbuhat sa mga butang nga dili nimo gustong buhaton sa imong mga anak. Lagmit pangutan-on ka sa maong mga ginikanan kon nganong wala kana buhata sa imong mga anak. Magmaisogon ug magmataktikanhon ba ka sa pagpatin-aw sa imong desisyon?
15. Sa unsang paagi makatabang sa mga ginikanan ang Salmo 37:25 ug Hebreohanon 13:5?
15 Gipakita nato ang kaisog dihang tabangan nato ang atong mga anak sa paghimo ug pagkab-ot sa espirituwal nga mga tumong. Pananglitan, magduhaduha ang ubang ginikanan nga dasigon ang ilang mga anak sa pagpayunir, pag-alagad sa lugar Salmo 37:25; Hebreohanon 13:5.) Ang laing paagi sa pagpakitag kaisog ug pagsalig kang Jehova mao ang pagtabang sa inyong mga anak nga ipakita usab ang maong mga hiyas.—1 Sam. 1:27, 28; 2 Tim. 3:14, 15.
nga nanginahanglag dugang magsasangyaw, pag-alagad sa Bethel, o sa pagboluntaryo sa mga konstruksiyon sa atong organisasyon. Lagmit mabalaka ang mga ginikanan nga basig dili sila maatiman sa ilang mga anak inigkatigulang nila. Pero ang maalamong ginikanan magpakitag kaisog ug magmasaligon sa mga saad ni Jehova. (Basaha ang16. Giunsa pagtabang sa ubang ginikanan ang ilang mga anak sa paghimog espirituwal nga mga tumong, ug unsay kaayohan niana?
16 Gitabangan sa usa ka magtiayon sa United States ang ilang anak sa paghimog espirituwal nga mga tumong. Ang bana miingon: “Sa dili pa makalakaw o makasulti ang among mga anak, amo silang estoryahan sa among kalipay sa pagpayunir ug sa pag-alagad sa kongregasyon. Karon, mao na sab niy ilang tumong. Ang paghimo ug pagkab-ot sa mga tumong nakatabang sa among mga anak nga masuklan ang mga presyur sa kalibotan ni Satanas ug makapokus sa pag-alagad kang Jehova.” Usa ka brader nga may duha ka anak misulat: “Daghang ginikanan ang migahig dakong panahon ug kuwarta aron makab-ot ang ambisyon sa ilang mga anak diha sa sports, kalingawan, ug edukasyon. Mas maayo gyong gamiton ang panahon ug kuwarta sa pagtabang sa atong mga anak nga mamentinar ang maayong relasyon kang Jehova. Dako gyod namong kalipay nga nakatabang mi nga makab-ot sa among mga anak ang ilang espirituwal nga mga tumong.” Makaseguro tang panalanginan ni Jehova ang mga ginikanan nga motabang sa ilang mga anak sa paghimo ug pagkab-ot sa espirituwal nga mga tumong.
MAGMAISOGON SA PAG-ALAGAD
17. Paghatag ug mga pananglitan nga mapakita ang kaisog sa pag-alagad sa kongregasyon.
17 Nagkinahanglan sab ug kaisog ang pag-alagad sa kongregasyon. Pananglitan, ang mga ansiyano nagkinahanglag kaisog sa pag-atiman sa hudisyal nga kaso o sa pagtabang niadtong nameligro ang kinabuhi tungod sa mga emerhensiya. Ang ubang mga ansiyano
mobisitag mga prisohan aron mag-Bible study ug magpahigayog tigom. Kon bahin sa tagsaanong mga sister, daghan nag kahigayonan nga mapauswag ang ilang ministeryo sama sa pagpayunir, pag-alagad sa lugar nga nanginahanglag dugang magsasangyaw, pagboluntaryo sa Local Design/Construction, ug sa pag-aplay sa School for Kingdom Evangelizers. Ang uban nakaeskuyla pa ganig Gilead School.18. Sa unsang paagi makapakitag kaisog ang edarang mga sister?
18 Panalangin sa kongregasyon ang edarang mga sister. Gimahal gyod nato sila! Ang uban nila limitado na ang mahimo sa pag-alagad, pero makapakita gihapon silag kaisog ug naa pa silay mahimo. (Basaha ang Tito 2:3-5.) Pananglitan, ang edarang sister nagkinahanglag kaisog dihang iasayn siya nga estoryahon ang mas bata nga sister bahin sa desenteng sininaan. Dili niya kasab-an ang sister. Hinuon, dasigon niya ang mas batang sister sa pagpamalandong kon unsay epekto sa sininaan niini ngadto sa uban. (1 Tim. 2:9, 10) Maayo gyod ug epekto ang ilang mahigugmaong pagtabang.
19. (a) Sa unsang paagi makapakitag kaisog ang mga brader? (b) Sa unsang paagi ang Filipos 2:13 ug 4:13 makatabang sa mga brader sa pagpakitag kaisog?
19 Ang mga brader sab kinahanglang magpakitag kaisog ug molihok. Panalangin gyod sa kongregasyon ang mga brader nga andam modawat ug dugang responsibilidad. (1 Tim. 3:1) Pero ang uban tingali magduhaduha sa pagdawat. Lagmit ang brader nakahimog sala kaniadto, ug karon gibati niyang dili siya angayan nga mahimong ministeryal o ansiyano. O tingali bation sa brader nga dili siya kuwalipikado sa usa ka asaynment. Kon mao sab nay imong gibati, tabangan ka ni Jehova sa pagpakitag kaisog. (Basaha ang Filipos 2:13; 4:13.) Hinumdomi nga may panahong si Moises mibating dili kuwalipikado sa usa ka asaynment. (Ex. 3:11) Pero gitabangan siya ni Jehova nga magmaisogon, ug natuman niya ang iyang asaynment. Masundog sa mga brader ang maong kaisog kon mangayo silag tabang sa Diyos pinaagi sa pag-ampo ug pagbasag Bibliya kada adlaw. Makatabang sab ang pagpamalandong sa mga estorya sa Bibliya bahin sa kaisog. Sa mapainubsanong paagi, puwede sab silang mohangyo sa mga ansiyano nga bansayon sila ug moboluntaryo sa pagtabang sa kongregasyon. Gidasig namo ang tanang brader nga magmaisogon ug magmakugihon diha sa kongregasyon!
“SI JEHOVA . . . NAG-UBAN KANIMO”
20, 21. (a) Unsang pasalig ang gihatag ni David kang Solomon? (b) Sa unsa kita makasalig?
20 Gipasaligan ni Haring David si Solomon nga si Jehova magauban kaniya hangtod mahuman ang pagtukod sa templo. (1 Cron. 28:20) Tungod sa maong pasalig, wala makababag kang Solomon ang iyang pagkabatan-on ug kawalay kasinatian. Nagpakita siyag kaisog ug milihok. Sa tabang sab ni Jehova, iyang nahuman ang nindot kaayong templo sulod sa pito ka tuig ug tunga.
21 Sama kang Solomon, tabangan ta ni Jehova aron magmaisogon ug matuman ang atong buluhaton, diha sa pamilya ug sa kongregasyon. (Isa. 41:10, 13) Dihang magpakita tag kaisog sa pag-alagad kang Jehova, makasalig ta nga iya tang panalanginan karon ug sa umaabot. Busa, “magmaisogon . . . ug lihok.”
^ par. 12 May praktikal nga mga sugyot sa paghimog espirituwal nga mga tumong sa artikulong “Gamita ang Espirituwal nga mga Tumong sa Paghimaya sa Imong Maglalalang,” sa Hulyo 15, 2004 nga Bantayanang Torre.