Dihang magbasag Bibliya, naa tay magamit nga mga research tool aron mas masabtan nato ang atong ginabasa. Pero mag-research ta dili lang aron madugangan ang atong kahibalo. Gusto natong makakitag espirituwal nga mga bahandi bahin sa personalidad ni Jehova nga makapalalom sa atong gugma kaniya. Busa dihang magbasag Bibliya, puwede natong pangutan-on ang atong kaugalingon, ‘Unsay gitudlo niini bahin kang Jehova?’

Puwede tang mag-research kon giunsa pagpakita ni Jehova ang panguna niyang mga hiyas nga mao ang gugma, kaalam, hustisya, ug gahom. Pero naa pay ubang nindot nga mga hiyas si Jehova. Asa ka makakitag dugang impormasyon bahin sa iyang mga hiyas?

Tan-awa ang kapig 50 ka ubang hiyas nga gilista diha sa Watch Tower Publications Index, ubos sa ulohang “Jehovah” ug sub-ulohang “Qualities by Name.” Pag-research bahin sa mga hiyas nga haom sa asoy sa Bibliya nga imong ginabasa. (Puwede pod nimo ning tan-awon sa Giya sa Pagpanukiduki Para sa mga Saksi ni Jehova, ubos sa ulohang “Jehova nga Diyos” ug sub-ulohang “Hiyas ni Jehova.”)