Basaha ang Maghuhukom 11:​30-40 aron makakat-on kon giunsa pagtuman ni Jepte ug sa iyang anak nga babaye ang ilang panaad.

Sayra pag-ayo ang konteksto. Unsay panglantaw sa matinumanong mga Israelinhon sa ilang mga panaad kang Jehova? (Num. 30:2) Giunsa pagpakita ni Jepte ug sa iyang anak nga naa silay pagtuo kang Jehova?—Maghu. 11:​9-11, 19-24, 36.

Sayra pag-ayo ang mga detalye. Unsay gisaad ni Jepte kang Jehova, ug unsay gipasabot niana? (w16.04 7 ¶12) Unsang mga sakripisyo ang gihimo ni Jepte ug sa iyang anak aron matuman nila ang ilang panaad? (w16.04 7-8 ¶14-16) Unsang mga panaad ang tingali himoon sa mga Kristohanon karon?—w17.04 5-8 ¶10-19.

Hunahunaa ang mga leksiyon. Pangutan-a ang kaugalingon:

• ‘Unsay akong himoon aron padayon nakong matuman ang akong panaad sa pagpahinungod?’ (w20.03 13 ¶20)

• ‘Unsang mga sakripisyo ang akong mahimo aron makaalagad ko kang Jehova nga mas bug-os pa?’

• ‘Unsay makatabang aron mahimo kong mas determinado nga tumanon ang akong panaad sa kaminyoon?’ (Mat. 19:​5, 6; Efe. 5:​28-33)