Tingali daghan nato ang malisdan sa paghinumdom sa atong mga nakat-onan. Pero namatikdan ba nimo nga ang mga ilustrasyon ni Jesus dali ra kaayong mahinumdoman? Ngano? Kay imo man ning ma-imagine. Sa samang paagi, mas dali nimong mahinumdoman ang imong natun-an kon naa kay mahunahunaan o ma-imagine nga mga hulagway. Unsay puwede nimong himoon? Puwede nimong i-drawing ang imong nakat-onan.

Ang mga tawo nga mag-drawing sa ilang bag-ong nakat-onan sagad mas daling makahinumdom. Ilang nakita nga kini nga paagi makatabang nila sa paghinumdom dili lang sa mga pulong kondili sa mga ideya mismo. Dili kinahanglang hawod kang mo-drawing; puwede ra kang mohimog simpleng drawing o sketch. Ug ang pag-drawing makatabang ilabina sa mga edaran.

Busa sa sunod higayon nga magtuon ka, puwede nimong sulayan nga i-drawing ang pipila sa imong mga nakat-onan. Basin masorpresa ka sa kadaghan sa imong mahinumdoman.