Basaha ang Genesis 37:​23-28; 39:​17-23 aron mahibaloan kon giunsa paglahutay ni Jose ang inhustisya.

Sayra pag-ayo ang konteksto. Unsay hinungdan kon nganong nakaeksperyensiya si Jose ug inhustisya? (Gen. 37:​3-11; 39:​1, 6-10) Unsa ka dugay siyang nag-antos sa inhustisya? (Gen. 37:2; 41:46) Nianang panahona, unsay gihimo ni Jehova para kang Jose, pero unsay wala Niya himoa?—Gen. 39:​2, 21; w23.01 17 ¶13.

Sayra pag-ayo ang mga detalye. Ang Bibliya wala mag-ingon nga gidepensahan ni Jose ang iyang kaugalingon sa bakak nga mga akusasyon sa asawa ni Potipar. Sa unsang paagi ang mosunod nga mga teksto makatabang nato nga mahibaloan kon ngano kahang wala mangrason si Jose o kon nganong dili ta makadahom nga isulti sa Bibliya ang tanang detalye? (Prov. 20:2; Juan 21:25; Buh. 21:37) Unsa tingali nga mga hiyas ang nakatabang kang Jose nga malahutay ang inhustisya?—Miq. 7:7; Luc. 14:11; Sant. 1:​2, 3.

Hunahunaa ang mga leksiyon. Pangutan-a ang kaugalingon:

• ‘Unsang dili patas nga pagtratar ang posible nakong maatubang ingong tinun-an ni Jesus?’ (Luc. 21:​12, 16, 17; Heb. 10:​33, 34)

• ‘Unsay akong himoon karon nga makatabang nako dihang makaatubang kog inhustisya?’ (Sal. 62:​7, 8; 105:​17-19; w19.07 2-7)