Gusto ba kang mas makabenepisyo sa imong personal nga pagtuon? Puwede nimong sulayan kini nga mga sugyot:

• Pagpilig nindot nga lokasyon. Kon posible, pangitag lugar nga hapsay ug naay igong kahayag. Puwede kang magtuon diha sa lamesa, o kaha pangitag lugar sa gawas nga makatuon kag tarong.

• Pangitag lugar nga makainusara ka sa pagtuon. Gipili ni Jesus nga mag-ampo “sayo sa buntag” diha sa “mingaw nga dapit.” (Mar. 1:35) Kon dili posible nga makainusara ka sa pagtuon, puwede nimong sultihan ang imong pamilya o mga kauban sa balay kon unsay imong eskedyul sa pagtuon aron dili ka madisturbo.

• Paningkamoti nga dili mawala ang imong pokus. Ayawg pabalda. Kon naggamit kag cellphone o tablet sa pagtuon, i-silent ang mga notification o i-airplane mode aron dili ka mabalda. Ug kon kalit nga naa kay mahunahunaan nga kinahanglan nimong himoon, isulat ni aron dili nimo malimtan human sa imong pagtuon. Kon dili na ka kapokus, puwede kang maglakawlakaw kadiyot o mag-stretching.