Dihang magbasa ta sa Bibliya, makakita tag espirituwal nga mga bahandi pinaagi sa pag-research. Pero unsay atong himoon aron mas makabenepisyo ta?

Sayra pag-ayo ang detalye sa mga asoy sa Bibliya. Pananglitan, sayra kon kinsa ang nagsulat, ug para kang kinsa ug kanus-a ni gisulat. Unsay kahimtang atong panahona, unsay nahitabo una pa niana, ug unsay nahitabo human niana?

Hunahunaa ang mga leksiyon pinaagi sa pag-research sa mga pangutana sama sa: ‘Unsay gibati sa mga karakter? Unsang mga hiyas ang ilang gipakita? Nganong angay nakong sundogon o likayan ang maong mga hiyas?’

Ipadapat ang mga leksiyon nga imong nakat-onan, pananglitan sa imong ministeryo o sa imong pagtratar sa uban. Pinaagi ana, imong gipakita ang kaalam nga gikan sa Diyos, kay ang Bibliya nag-ingon: “Bisan kinsa nga maalamon maghatag ug pagtagad niining mga butanga.”—Sal. 107:43.

• Tip: Matikdi kon sa unsang paagi ang Bahandi Gikan sa Pulong sa Diyos sa atong midweek nga tigom makatabang nato sa pagpadapat sa atong nakat-onan. Kini nga seksiyon naay mga pangutana nga puwede natong ipangutana sa atong kaugalingon, mga punto nga puwede natong pamalandongon, ug mga hulagway nga puwede natong tan-awon.