Basaha ang Jeremias 38:​1-13 aron makakat-on sa gipakitang kaisog ni propetang Jeremias ug sa eunuko nga si Ebed-melek.

Sayra pag-ayo ang konteksto. Sa unsang paagi nagpakitag kaisog si Jeremias sa pagpahayag sa mensahe ni Jehova ngadto sa uban? (Jer. 27:​12-14; 28:​15-17; 37:​6-10) Unsay reaksiyon sa mga tawo sa iyang mensahe?—Jer. 37:​15, 16.

Sayra pag-ayo ang mga detalye. Unsang pagsupak ang giatubang ni Jeremias? (jr 26-27 ¶20-22) Sayra kon unsa ang gahong nga pondohanag tubig panahon sa Bibliya. (it-1 405) Unsa kahay gibati ni Jeremias dihang naa siya sa lapokong gahong? Unsa kahay mga gikahadlokan ni Ebed-melek?—w12 5/1 31 ¶2-3.

Hunahunaa ang mga leksiyon. Pangutan-a ang kaugalingon:

• ‘Unsay gitudlo niini nga asoy kanako bahin sa mga paagi ni Jehova sa pagprotektar sa iyang maunongong mga alagad?’ (Sal. 97:10; Jer. 39:​15-18)

• ‘Unsang mga situwasyon nga kinahanglan kong magpakitag kaisog?’

• ‘Unsay akong himoon aron mas magmaisogon ko sa pagbuhat kon unsay husto dihang mag-atubang kog pagsupak?’ (w11 3/1 30) a