Ang mga ginikanan naay bug-at nga responsibilidad nga tudloan ang ilang mga anak bahin kang Jehova. (Efe. 6:4) Aron tabangan ang mga ginikanan, ang organisasyon ni Jehova nag-publish ug klaseklaseng materyal. Unsaon nimo ni paggamit sa pagbansay sa imong mga anak?

• Tan-awa ang mga kapilian sa JW.ORG. Naa dinhi ang tanang materyal nga gi-publish para sa mga bata ug mga batan-on, apil ang mga video ug mga worksheet nga puwede nilang sulatan o drowingan. a Aron makita ni, i-type ang “Mga Bata” o “Mga Tin-edyer” sa search bar.

• Pagpilig haom nga mga materyal. Sa seksiyong “Mga Bata,” makapili kag mga video, kanta, ug mga worksheet nga haom para sa imong anak. Aron makita ni, pangitaa ang “Himoonon Para sa Pamilyahanong Pagsimba.”

• Hisgoti ni uban sa imong anak. Dili igo nga patan-awon ra nimog video o hatagag worksheet ang imong anak aron lang naa siyay kalingawan. Hinuon, hisgoti ni uban sa imong anak ug tabangi siya nga makaugmad ug suod nga relasyon kang Jehova.