Samtang mangandam ta sa pagtuon, naa na tingali tay gidahom nga makat-onan. Pero hinumdomi nga naa pay bag-ong mga butang nga gustong itudlo si Jehova kanato. Maong unsay atong himoon aron naa tay bukas nga hunahuna dihang magtuon ta?

Pag-ampo alang sa kaalam. Pangayog tabang kang Jehova aron imong masabtan kon unsay gusto niya nga imong makat-onan karon. (Sant. 1:5) Likayi nga mosalig lang sa imong mga nahibaloan kaniadto.—Prov. 3:​5, 6.

Ilha ang gahom sa Pulong sa Diyos. “Ang pulong sa Diyos buhi.” (Heb. 4:12) Tungod kay ang “pulong” sa Diyos buhi, matag higayon nga atong basahon ang Bibliya, naa gyod tay bag-ong makat-onan nga makatabang sa atong kinabuhi. Pero mahitabo lang ni kon andam tang mokat-on sa kon unsay gustong itudlo sa Diyos kanato.

Pabilhi ang tanang espirituwal nga tagana ni Jehova. Ang iyang espirituwal nga mga tagana samag “usa ka bangkete sa dagayang pagkaon.” (Isa. 25:6) Busa ayawg likayi ang mga pagkaon, o topiko, nga gihunahuna nimo nga dili ka ganahan. Kon imo ning himoon, makabenepisyo gyod ka ug mag-enjoy sa imong pagtuon.