Tinuig nga Tigom Oktubre 6, 2001

ANG TINUIG NGA TIGOM sa mga membro sa Watch Tower Bible and Tract Society of Pennsylvania himoon sa Oktubre 6, 2001, sa Assembly Hall of Jehovah’s Witnesses, 2932 Kennedy Boulevard, Jersey City, New Jersey. Ang pasiunang tigom para sa mga membro lamang himoon sa alas 9:15 s.b., nga sundan sa katibuk-ang tinuig nga tigom sa alas 10:00 s.b.

Ang mga membro sa korporasyon kinahanglang magpahibalo sa Opisina sa Sekretaryo karon sa bisan unsang kausaban sa ilang mga adres sa puy-anan sa miaging tuig aron ang regular nga mga sulat-pahibalo ug mga proxy makaabot kanila sa Hulyo.

Ang mga proxy, nga ipadala sa mga membro uban ang pahibalo sa tinuig nga tigom, igabalik aron makaabot sa Opisina sa Sekretaryo sa Sosyedad nga dili maulahi sa Agosto 1. Kada membro kinahanglang magkompleto ug magbalik sa iyang proxy sa walay langan, nga magpahayag kon siya makatambong ba sa tigom sa personal o dili. Ang impormasyong gihatag diha sa matag proxy kinahanglang tino niining puntoha, kay kini mao ang saligan sa pagtino kon kinsa ang motambong sa personal.

Gidahom nga ang tibuok nga sesyon, lakip na ang pormal nga tigom pamatigayon ug mga taho, matapos sa ala-1:00 s.h. o lapas ug diyutay niana. Walay sesyon sa hapon. Tungod sa limitadong lugar, ang pagsulod maoy pinaagig tiket lamang. Walay kahikayan nga himoon sa pagkonektar sa tinuig nga tigom pinaagig mga linya sa telepono ngadto sa ubang mga awditoryum.