Sertipiko sa Kahamili

MAO kini ang gihatag sa Association of Congolese and African Journalists for the Development (AJOCAD) sa Demokratikong Republika sa Congo aron sa “pagpakitag apresasyon sa mga indibiduwal o katilingbanon nga mga organisasyon nga nailhan tungod sa ilang naamot ngadto sa kauswagan [sa Congo].”

Sa Nobyembre 17, 2000, ang Sertipiko sa Kahamili gihatag ngadto sa mga Saksi ni Jehova tungod sa “ilang naamot ngadto sa kauswagan sa mga tawo sa Congo [pinaagi] sa edukasyon ug sa pagtulon-an nga anaa sa ilang mga publikasyon.”

Sa pagkomento bahin sa maong ganti, ang mantalaan sa Kinshasa nga Le Phare nag-ingon: “Maglisod ka pagpangita ug usa ka tawong taga-Congo nga wala makabasa sa mga magasing Bantayanang Torre ug Pagmata! o sa ubang mga publikasyon nga gipatik sa mga Saksi ni Jehova. Kining mga magasina [naghisgot] sa tanang bahin sa kinabuhi.” Ang maong artikulo naghisgot usab nga ang mga publikasyon nagpakita “kon sa unsang paagi makasagubang sa mga problema karon” ug nagpunting sa “tinuod nga kahulogan luyo sa bag-ong mga panghitabo.” Ang matag isyu sa Pagmata! “nagpabiling neyutral sa politika ug dili mobayaw ug usa ka rasa nga labaw sa lain.” Dugang pa, ang mga publikasyon nagpalig-on sa “pagsalig diha sa saad sa Maglalalang sa usa ka malinawon ug may-kasegurohang kalibotan nga hapit nang mopuli sa presenteng daotan, malinapason-sa-balaod nga sistema sa mga butang.”

Sumala sa giingon sa AJOCAD, ang mga publikasyon sa mga Saksi ni Jehova napamatud-ang mapuslanon alang sa kadaghanan sa mga molupyo sa Congo. Mabatonan diha sa gatosan ka pinulongan, ang makahatag-ug-paglaom nga mensahe niini makabenepisyo usab kanimo.

Palihog basaha ang impormasyon sa ubos sa pagtino kon sa unsang paagi makabenepisyo ka gikan niini.