Ilang Gigamit ang Ngalan sa Diyos sa Sentral Aprika

ANG kadaghanan sa mga tawo sa Sentral Aprika nagtuo sa Diyos. Sila nagtuo gayod nga siya mao ang Maglalalang sa tanang butang. (Pinadayag 4:11) Apan, sama sa daghang tawo sa ubang mga dapit, sila kasagarang nagbalewala sa iyang personal nga ngalang Jehova.

Ang mga tawo sa Sentral Aprika, maingon man sa ubang mga bahin sa kalibotan, naghisgot bahin sa ngalan sa Diyos sa dihang sila moingon, “Pagabalaanon ang imong ngalan” diha sa Pag-ampo sa Ginoo. (Mateo 6:9, King James Version) Apan sa dugay nang panahon, pipila lamang ang nahibalo nianang ngalana. Apan, sulod sa daghang katuigan ang makugihong kalihokan sa pagsangyaw sa mga Saksi ni Jehova nakapausab sa tinamdan sa mga tawo mahitungod sa paggamit sa ngalan sa Diyos. Karon, ang ngalan sa Diyos ilado kaayo ug gidawat diha sa daghang Aprikanhong mga pinulongan, sama sa Zulu (uJehova), Yoruba (Jehofah), Xhosa (uYehova) ug Swahili (Yehova). Bisan pa niana, ang kadaghanang mga hubad sa Bibliya niini nga mga pinulongan naglikay gihapon sa paggamit sa ngalan sa Diyos.

Ang usa ka maayong hubad nga naggamit sa ngalan sa Diyos mao ang Bibliya nga Zande, usa ka pinulongan nga gisulti sa ubang mga dapit sa Republika sa Sentral Aprika, Sudan, ug sa Demokratikanhong Republika sa Congo. Nianang bahina sa kalibotan, ang mga tawo naggamit sa ngalan sa Diyos, nga may espeling nga Yekova diha sa ilang lumad nga pinulongan. Bisag unsa pa ang espeling sa ngalan sa Diyos diha sa usa ka diyalekto, hinungdanon ang paggamit niini. Ngano? Tungod kay “ang matag usa nga magatawag sa ngalan ni Jehova maluwas.”—Roma 10:13.

[Mapa/Hulagway sa panid 32]

(Alang sa aktuwal nga pagkahan-ay, tan-awa ang publikasyon)

SUDAN

REPUBLIKA SA SENTRAL APRIKA

DEMOKRATIKANHONG REPUBLIKA SA CONGO

[Credit Line]

The Complete Encyclopedia of Illustration/J. G. Heck