Kahupayan Panahon sa Kalisod
Kahupayan Panahon sa Kalisod
ANG mga balita karong mga adlawa dili gayod makapahupay. Usa ka tawo nagsulat: “Ang lab-as nga mga hitabo makaguol kaayo nga tungod niana kita kasagarang dili makadesisyon kon kita motan-aw ba o dili sa balita inig-alas sayis.” Ang kalibotan nahupngan sa gubat, sa mga buhat sa kapintasan, pag-antos, krimen, ug sakit—mga kadaotan nga sa ngadtongadto makaapektar kanato mismo.
Tukma kaayong gitagna sa Bibliya kining mga kahimtanga. Naghubit sa atong panahon, si Jesus miingon nga mahitabo ang dagkong mga gubat, kamatay, kanihit sa pagkaon, ug mga linog. (Lucas 21:10, 11) Maingon man si apostol Pablo nagsulat bahin sa “makuyaw nga mga panahong lisod sagubangon,” sa dihang ang mga tawo mahimong mabangis, mahigugmaon sa salapi, ug walay gugma sa pagkamaayo. Iyang gitawag kanang panahona nga “kataposang mga adlaw.”—2 Timoteo 3:1-5.
Busa, sa naghubit sa mga kahimtang sa kalibotan, ang mga balita medyo kaamgid sa gitagna sa Bibliya. Apan kutob lang sila sa paghubit sa kahimtang sa kalibotan. Ang Bibliya naghatag ug panghunahuna nga dili ikahatag sa balita. Pinaagi sa dinasig nga Pulong sa Diyos, atong masabtan dili lamang kon nganong daghan kaayo ang pagkadaotan kondili kon unsa usab ang anaa sa umaabot.
Kon Unsay Hunahuna sa Diyos Bahin sa Pagkadaotan
Ang Bibliya nagsaysay kon unsay hunahuna sa Diyos sa makapaguol nga mga kahimtang sa 1 Juan 4:8) Si Jehova matinagdanon kaayo sa iyang katawhan ug nagdumot sa tanang pagkadaotan. Tukma gayod nga modangop kita sa Diyos alang sa kahupayan, tungod kay siya maayo ug mahingawaon ug may gahom ug kabubut-on sa pagwagtang sa daotan gikan sa yuta. Ang salmista nagsulat: “Pagaluwason [sa tinudlo nga langitnong Hari sa Diyos] ang kabos nga nagatuaw alang sa tabang, ingon man ang sinakit ug si bisan kinsa nga walay magtatabang. Maluoy siya sa timawa ug sa kabos, ug pagaluwason niya ang mga kalag sa mga kabos. Gikan sa pagpanglupig ug sa kapintasan tubson niya ang ilang kalag, ug ang ilang dugo mahimong bililhon sa iyang mga mata.”—Salmo 72:12-14.
atong adlaw. Bisan pag makita niyang daan ang mga problema karon, siya wala mahimuot niini ni magtinguha nga pasagdan kini hangtod sa hangtod. “Ang Diyos gugma,” nagsulat si apostol Juan. (Naluoy ka ba sa mga tawong nag-antos? Tingali naluoy ka. Ang pagbatig kaluoy alang sa isigkatawo maoy usa ka hiyas nga gibutang ni Jehova diha kanato, kay kita gilalang diha sa iyang dagway. (Genesis 1:26, 27) Busa, kita makasalig nga si Jehova mobati sa tawhanong pag-antos. Si Jesus, kinsa mas nahibalo bahin kang Jehova kay kang bisan kinsa, nagtudlo nga si Jehova interesado gayod kanato ug tugob sa malulotong pagkamahingawaon.—Mateo 10:29, 31.
Ang kalalangan mismo nagpamatuod nga ang Diyos matinagdanon sa katawhan. Si Jesus miingon nga ang Diyos “magapasubang sa iyang adlaw diha sa mga tawong daotan ug sa mga maayo ug magapaulan diha sa mga tawong matarong ug sa mga dili-matarong.” (Mateo 5:45) Ngadto sa mga tawo sa siyudad sa Listra, si apostol Pablo miingon: ‘Wala itugot sa Diyos nga dili kapanghimatud-an ang iyang kaugalingon sanglit gibuhat man niya ang maayo, nga naghatag kaninyog ulan gikan sa langit ug mabungahong mga panahon, nga nagbuhong sa inyong mga kasingkasing sa pagkaon ug sa kalipay.’—Buhat 14:17.
Kinsa ang Responsable?
Maayong mamatikdan nga si Pablo miingon usab ngadto sa mga tawo sa Listra: ‘Sa miaging mga kaliwatan gitugotan sa Diyos ang tanang kanasoran nga molakaw sa ilang mga dalan.’ Busa, ang kanasoran—o mga tawo mismo—mao gayod ang responsable sa kadaghanang hitabo nga ilang naagoman. Ang Diyos dili gayod kapasanginlan.—Buhat 14:16.
Nganong gitugotan ni Jehova nga mahitabo ang daotang mga butang? Duna ba siyay buhaton alang niana? Ang tubag niining maong mga pangutana makita lamang diha sa Pulong sa Diyos. Tungod kay ang tubag nalangkit gayod sa laing espiritu nga persona ug sa usa ka isyu nga iyang gipatugbaw diha sa dili-makita nga espirituhanong dominyo.
[Mga hulagway sa panid 4]
Ang mga tawo mobatig kaluoy sa isigkatawo. Dili ba labaw pang mobati ang Diyos sa tawhanong pag-antos?
[Picture Credit Lines sa panid 2]
COVER: Tank: UN PHOTO 158181/J. Isaac; earthquake: San Hong R-C Picture Company
[Picture Credit Lines sa panid 3]
Upper left, Croatia: UN PHOTO 159208/S. Whitehouse; starving child: UN PHOTO 146150 BY O. MONSEN