Ang Pagpangita ug Dugang Pa

“Kon kanunay natong gusto ug dugang pa, dili gayod kita matagbaw.”—Usa ka taho sa Worldwatch Institute.

“UNSAY among gusto? Tanan. Kanus-a namo gusto kana? Karon.” Kining mga pulonga popular taliwala sa mga estudyante sa kolehiyo sa katuigan sa 1960. Karong adlawa, dili na tingali nato madungog kining mga pulonga, apan ang paninugdang ideya niini nagpabilin. Gani, ang pagpangita ug dugang pa nahimong timailhan sa atong panahon.

Alang sa daghan, ang pagbaton ug bahandi ug mga kabtangan mao ang labing hinungdanon. Si Jimmy Carter, nga Presidente kanhi sa T.B., kas-a miingon: “Ang tawo dili na maila pinaagi sa iyang nabuhat kondili pinaagi sa iyang nabatonan.” Aduna pa bay mas bililhon kay sa mga kabtangan? Kon mao, unsa man kana, ug unsang mga kaayohan ang ikahatag niana?