Mahanduraw Mo ba ang Imong Gibasa?

ARON mahanduraw nimo ang mga panghitabo, makatabang ang pagsinati sa mga lugar nga imong gibasa. Pananglitan, tagda ang mga panaw ni apostol Pablo ingong misyonaryo, nga giasoy sa basahon sa Bibliya sa Mga Buhat. Sa iyang unang panaw ingong misyonaryo, siya migikan sa Antioquia, diin ang mga sumusunod ni Jesus unang gitawag ug mga Kristohanon. Gikan didto, siya mipanaw paingon sa Salamis, Antioquia sa Pisidia, Iconio, Listra, ug Derbe. Mahanduraw mo ba kon diin kining mga dapita?

Lagmit nga dili, gawas kon ikaw adunay mapa. Diha sa bag-o, 36-panid nga brosyur nga ‘Tan-awa ang Maayong Yuta,’ makita nimo ang ingon niana nga mapa. Usa ka magbabasa nga taga-Montana, T.B.A., mapasalamatong miingon: “Mahanduraw na nako ang mga lugar nga giadtoan ni Pablo maingon man ang iyang pagpanaw didto ug ang buluhaton nga iyang gihimo kauban sa ubang unang mga Kristohanon sa pagpakaylap sa maayong balita. Salamat sa maong nindot nga mapa nga nagpakita kon diin nahimutang ang lainlain nga mga dapit.”

Ang mapa sa mga panaw ni Pablo maoy usa lang sa daghang mapa niini nga brosyur nga makatabang sa magbabasa sa paghanduraw sa mga asoy sa Bibliya. Makahangyo kag kopya sa ‘Tan-awa ang Maayong Yuta’ pinaagi sa pagsulat sa nagauban nga kupon ug sa pagpadala niana ngadto sa adres nga gihatag o sa nahiangay nga adres nga gilista sa panid 2 niining magasina.

□ Interesado akong makadawat ug kopya sa brosyur nga ‘Tan-awa ang Maayong Yuta.’

□ Palihog kontaka ako mahitungod sa usa ka libreng pagtuon sa Bibliya sa balay.

[Picture Credit Line sa panid 32]

Pictorial Archive (Near Eastern History) Est.