Ang New Year’s Tree—Tradisyon sa mga Ruso? Tradisyon sa mga Kristiyano?

“SA SINUGDANAN sa katuigan sa 1830, ang kahoyng evergreen giisip gihapon nga usa ka ‘makapadaning ideya sa mga Aleman.’ Sa kataposan sa maong dekada, kini ‘nahimo nang kostumbre’ nga gipamutang diha sa mga balay sa mga adunahang tawo sa St. Petersburg. . . . Ang mga klero ug kabos lang nga mga tawo ang wala magbutang ug kahoyng evergreen diha sa ilang mga balay sa ika-19ng siglo. . . .

“Sa wala pa ang ika-19ng siglo, wala gayoy nakagusto niining kahoya. Ang pagkalangkit niini sa simbolo sa kamatayon ug sa kalibotan sa mga patay sumala sa tradisyon sa mga Ruso, maingon man sa tradisyon sa pagbutang sa maong kahoy diha sa atop sa mga imnanan, wala mahiuyon sa kausaban sa mga tinamdan nga nahitabo sa tungatungang bahin sa ika-19ng siglo. . . . Masabot kaayo nga sa dihang gidawat na ang maong kahoy ingong pang-adorno sa mga balay, ang maong tradisyon adunay susamang kahulogan sa Christmas tree sa Kasadpan, nga gigamit sa pagsaulog sa Pasko. . . .

“Ang paghimo sa maong kahoy nga mahimong simbolo sa mga Kristohanon wala dayon dawata sa Rusya. Gisupak kini sa Ortodoksong Simbahan. Nakita sa mga klero diha sa bag-ong selebrasyon ang ‘lihok sa mga demonyo,’ usa ka paganong tradisyon, nga walay kalabotan sa pagkatawo sa Manunubos, ug dugang pa, kini tradisyon nga iya sa Kasadpan.”—Propesor Yelena V. Dushechkina, doktor sa pilolohikanhong siyensiya sa St. Petersburg State University.

[Picture Credit Line sa panid 32]

Photograph: Nikolai Rakhmanov