Usa ka Imbitasyon . . .

Ang Diyos pa ba Gihapon ang Nagmando?

KINAIYANHONG mga katalagman, makamatayng mga sakit, korapsiyon sa mga tawong may awtoridad, mga pag-atake sa mga terorista, mga gubat, krimen. Kini nga mga balita maoy atong madunggan halos adlaw-adlaw. Apektado ka man niini o dili, naghunahuna ka tingali kon asa nagpadulong ang kalibotan ug kon moarang-arang pa ba ang kahimtang.

Aron hisgotan kanang mga butanga, ang mga Saksi ni Jehova diha sa kapin sa 200 ka kayutaan sa tibuok kalibotan magpresentar sa tukma-sa-panahong pakigpulong publiko nga nag-ulohang “Ang Diyos pa ba Gihapon ang Nagmando?” Kini maghisgot kon unsay gisulti ug gisaad sa Diyos diha sa iyang dili-masayop nga Pulong, ang Bibliya, bahin niining hinungdanong mga pangutana:

Ang Diyos ba interesado sa mga kalihokan sa yuta?

Unsay iyang pagbati sa mga tawo?

Siya ba naghunahuna sa imong kaayohan?

Sa kadaghanang dapit, ang pakigpulong ipahayag sa Dominggo, Abril 30, 2006, sa Kingdom Hall sa mga Saksi ni Jehova. Ang mga Saksi sa inyong dapit malipay sa pagpahibalo kanimo sa oras ug adres.

Mainiton ka namong gidapit sa pagtambong niining makapadasig nga libreng pakigpulong nga binase sa Bibliya nga maghatag ug makapatagbawng tubag sa pangutanang: Ang Diyos pa ba Gihapon ang Nagmando?