Ang Edukasyon sa Bibliya Makapalig-on sa Pagtuo
Ang Edukasyon sa Bibliya Makapalig-on sa Pagtuo
“PAGKADAKONG pribilehiyo nga magugol ang miaging lima ka bulan sa pagtagad sa hunahuna sa Maglalalang ug sa pagkat-on sa iyang panglantaw sa mga butang!” matod pa sa estudyante nga nagbasa sa sulat sa ika-122 nga klase sa Watchtower Bible School of Gilead sa adlaw sa graduwasyon. Ang Marso 10, 2007 maoy petsa nga dili gayod malimtan sa 56 ka estudyante nga andam nang moalagad ingong mga misyonaryo sa 26 ka kayutaan diin sila giasayn.
Human abiabiha ang 6,205 nga mitambong, ang usa ka membro sa Nagamandong Lawas, si Theodore Jaracz, miingon: “Segurado nga malig-on ang inyong espirituwalidad ug ang inyong pagtuo human niining programaha.” Sunodsunod niyang gipailaila ang upat ka mamumulong nga naghatag ug pinasukad-sa-Bibliya nga pagdasig ug tambag nga gikinahanglan sa mga estudyante aron sila magmalamposon sa ilang buluhaton ingong mga misyonaryo.
Gidasig nga Palig-onon ang Pagtuo sa Uban
Si Leon Weaver, usa ka membro sa Komite sa Sanga sa Tinipong Bansa, nagbatbat sa temang “Padayong Buhata ang Maayo.” Iyang gipahinumdoman ang mga estudyante nga sa aberids, ang matag usa kanila nakagugol nag 13 ka tuig sa bug-os-panahong pag-alagad nga nagpakaylap sa makapalig-on-sa-pagtuo nga edukasyon sa Bibliya. Siya miingon: “Kini usa gayod ka maayong buhat kay pinaagi niini maluwas ang mga tawo, ug labaw sa tanan, kini magbayaw sa atong langitnong Amahan, si Jehova.” Dayon gidasig ni Brader Weaver ang mga estudyante nga magpadayon sa ‘pagpugas alang sa espiritu’ ug ‘dili mohunong sa pagbuhat ug maayo.’—Galacia 6:8, 9.
Si David Splane, usa ka membro sa Nagamandong Lawas, naghatag ug praktikal nga mga pahinumdom diha sa iyang bahin nga “Ihatag ang Inyong Kinamaayohan.” Gidasig ni Brader Splane ang bag-ong mga misyonaryo nga maayo kon sa sinugdan pa lang sa ilang asaynment ila nang buhaton ang mosunod: “Magmapositibo. Ayaw dayon hukmi ang mga igsoon. Pahiyom lang. Ayaw pagpanaway. Magmapainubsanon, ug tahora ang mga igsoon sa dapit nga inyong adtoan.” Dayon, siya midugang: “Pag-abot ninyo sa inyong bag-ong teritoryo, ihatag ang inyong kinamaayohan ug hinaot nga panalanginan ni Jehova ang inyong mga tiil samtang dalhon niini ang ‘maayong balita sa butang nga mas maayo’ ngadto sa mga tawo.”—Isaias 52:7.
Ang instruktor sa Gilead nga si Lawrence Bowen naghisgot sa temang “Usa ka Segurado nga Panulondon.” Gipahinumdoman Hebreohanon 11:1; Pinadayag 17:8) Sukad niadto, daghan nang estudyante ang natabangan sa Gilead nga malig-on ang ilang pagtuo. Ang lig-ong pagtuo nagpalihok sa mga graduwado nga magmasiboton sa pagmantala sa kamatuoran.
ni Brader Bowen ang mga estudyante nga ang Tunghaan sa Gilead natukod panahon sa Gubat sa Kalibotan II tungod sa bug-os nga pagsalig nga matuman ang tagna diha sa Pulong sa Diyos. (Gipahayag ni Mark Noumair, lain pang instruktor sa Gilead, ang usa ka makapainteres nga ulohan, “Kamo Nakapahinumdom Kanako Kaniya.” Iyang gihisgotan ang panig-ingnan sa manalagnang si Eliseo, kinsa nagpakitag pagtuo ug kaisog diha sa iyang asaynment. 1 Hari 19:21 ang iyang mga komento, nga nag-ingon: “Gipasibo ni Eliseo ang iyang kinabuhi, gihiklin niya ang iyang personal nga kagustohan, ug gimantala niya ang katuyoan ni Jehova.” Iyang gidayeg ang mga graduwado tungod sa pagpakitag susamang tinamdan ug iyang gidasig sila nga padayong buhaton kana sa dapit diin sila iasayn.
Gipasukad ni Brader Noumair diha saMay Kagawasan sa Pagsulti Tungod sa Pagtuo
Samtang gipalig-on sa umaabot nga mga misyonaryo ang ilang pagtuo panahon sa klase, gipahimuslan usab nila ang hinapos sa semana aron isangyaw ang maayong balita sa uban. Ingong resulta, nakabaton sila ug maayong mga kasinatian nga giasoy ug gipasundayag diha sa bahin ni Wallace Liverance, nga usa pod ka instruktor sa Gilead. Iyang gipahayag ang tema nga “Kami Nagpasundayag ug Pagtuo ug Busa Kami Misulti,” nga gipasukad sa mga pulong ni Pablo diha sa 2 Corinto 4:13.
Human niana, giinterbiyo ni Daniel Barnes ug Charles Woody, mga membro sa pamilyang Bethel, ang mga misyonaryo kanhi ug ang mga misyonaryo karon. Gipasiugda niining bahina nga si Jehova nag-atiman ug nagpanalangin sa iyang matinumanong mga alagad. (Proverbio 10:22; 1 Pedro 5:7) Ang usa ka misyonaryo mikomento: “Nasinati gayod namo sa akong asawa ang pag-atiman ni Jehova pinaagi sa edukasyon nga among nadawat sa Gilead. Napalig-on gayod niini ang among pagtuo. Hinungdanon ang pagtuo tungod kay ang tanang alagad sa Diyos, lakip na ang mga misyonaryo, makaatubang ug mga pagsulay, problema, ug mga kabalaka sa kinabuhi.”
Padayong Gamita ang Edukasyon sa Bibliya sa Pagpalig-on sa Pagtuo sa Uban
Ingong haom nga panapos sa programa sa graduwasyon, gipahayag sa laing membro sa Nagamandong Lawas nga si Samuel Herd ang temang “Padayong Palig-ona ang Inyong mga Igsoon.” Unsa ang katuyoan sa edukasyon nga nadawat sa mga estudyante? “Katuyoan niini nga tudloan kamo kon sa unsang paagi magamit ninyo ang inyong dila sa pagdayeg kang Jehova, sa pagtudlo sa kamatuoran ngadto sa mga tawo sa inyong bag-ong mga teritoryo, ug sa pagpalig-on sa pagtuo sa matag usa,” matod pa ni Brader Herd. Apan, iyang gipahinumdoman ang mga estudyante nga ang dila makapahinabo usab ug kadaot. (Proverbio 18:21; Santiago 3:8-10) Iyang gidasig ang mga estudyante nga sundogon ang panig-ingnan ni Jesus sa paggamit sa dila. Sa usa ka higayon, human mamati kang Jesus, ang mga tinun-an miingon: “Dili ba ang atong mga kasingkasing nagdilaab man . . . samtang iyang gibuksan sa bug-os ang mga Kasulatan kanato?” (Lucas 24:32) Si Brader Herd miingon: “Kon positibo kamo sa inyong paagi sa pagpakigsulti sa mga igsoon diha sa inyong asaynment, madasig gayod ninyo sila.”
Human niana, nadawat sa mga graduwado ang ilang mga diploma. Dayon gibasa sa usa sa mga estudyante ang ilang sulat pasalamat. Kini nag-ingon: “Kami mibati ug dakong responsibilidad sa pagpadapat sa tanan namong nakat-onan nga magmatinumanon sa among buluhaton ingong mga misyonaryo. Andam na kami sa pag-adto sa lagyong mga dapit ug kami nanghinaot nga ang among mga paningkamot makahatag ug dakong kadayeganan sa atong Dakong Magtutudlo, si Jehova nga Diyos.” Human niini, namakpak ug kusog ang tanang nanambong. Sa pagkatinuod, ang programa sa graduwasyon nakapalig-on sa pagtuo sa tanang nanambong.
[Blurb sa panid 17]
“Kon positibo kamo sa inyong paagi sa pagpakigsulti sa mga igsoon diha sa inyong asaynment, madasig gayod ninyo sila”
[Kahon sa panid 15]
ESTADISTIKA SA KLASE
Gidaghanon sa mga nasod nga gihawasan: 9
Gidaghanon sa mga nasod nga gipadalhan: 26
Gidaghanon sa mga estudyante: 56
Aberids nga edad: 33.4
Aberids nga katuigan sa kamatuoran: 16.8
Aberids nga katuigan sa bug-os-panahong ministeryo: 13
[Hulagway sa panid 16]
Ika-122 nga Klase nga Migraduwar sa Watchtower Bible School of Gilead
Sa listahan sa ubos, ang mga laray ginumerohan gikan sa atubangan ngadto sa likod, ug ang mga ngalan gilista gikan sa wala ngadto sa tuo sa matag laray.
(1) Howitt, R.; Smith, P.; Martinez, A.; Pozzobon, S.; Kitamura, Y.; Laud, C. (2) Fiedler, I.; Beasley, K.; Matkovich, C.; Bell, D.; Lippincott, W. (3) Sites, W.; Andersen, A.; Toevs, L.; Fusano, G.; Rodríguez, C.; Yoo, J. (4) Sobomehin, M.; Thomas, L.; Gasson, S.; Dauba, V.; Bertaud, A.; Winn, C.; Dobrowolski, M. (5) Yoo, J.; Dauba, J.; Mixer, H.; Newton, M.; Rodríguez, F.; Mixer, N. (6) Laud, M.; Lippincott, K.; Martinez, R.; Haub, A.; Schamp, R.; Pozzobon, L.; Toevs, S. (7) Howitt, S.; Kitamura, U.; Newton, D.; Haub, J.; Sites, J.; Thomas, D. (8) Sobomehin, L.; Matkovich, J.; Fusano, B.; Winn, J.; Schamp, J.; Andersen, D.; Dobrowolski, J. (9) Fiedler, P.; Bell, E.; Beasley, B.; Smith, B.; Bertaud, P.; Gasson, M.