“Imong Bililhon Kaayo nga Gasa”

KANA ang giingon sa kanhi primer ministro sa Belgium bahin sa librong Ang Labing Bantogang Tawo nga Nabuhi Sukad. a Giduaw siya sa usa ka silingan, ug gidawat niya ang kopya sa maong libro. Sa ulahi, siya mapasalamatong misulat: “Nakadayeg gayod ako sa imong mahigalaong pagbisita, ug mas nakadayeg pa gayod ako sa imong bililhon kaayo nga gasa: ang librong naghisgot bahin sa ‘Labing Bantogang Tawo.’”

Human niya mabasa ang libro, siya miingon: “Kon mas interesado pa ang mga tawo sa mensahe sa Ebanghelyo ug ipadapat ang mga prinsipyo ni Jesu-Kristo, lahi gayod unta ang kalibotan karon. Dili na kita manginahanglan pag Security Council; wala nay terorismo, ug wala nay kapintasan sa kalibotan.” Bisan tuod miangkon siya nga morag damgo lang ang iyang gisulti, siya mapasalamaton gayod sa mahigalaong pagbisita sa iyang silingan.

Ang sulat nagpadayon: “Sakop ka sa usa ka dalayegong grupo sa mga tawo kinsa nagtuo nga moarang-arang pa ang kahimtang sa katawhan ug sa kalibotan.”

Ang mga Saksi ni Jehova nagtuo nga Diyos lamang ang makapatunghag mas maayong kalibotan ug dili ang tawhanong mga paningkamot. Naningkamot sila sa pagsundog sa labing bantogang tawo, si Jesu-Kristo. May Saksi ni Jehova ba nga miduaw nimo di pa dugay? Lagmit malipay ka sa pagpakig-estorya kanila bahin sa labing bantogang tawo nga nabuhi sukad. Ug sila malipay sa paghatag kanimo sa libro nga nagustohan pag-ayo sa kanhi primer ministro.

[Footnote]