Pag-alagad sa Diyos Uban ang ‘Nahiusang Kasingkasing ug Kalag’

PANAHON sa Piyesta sa Pentekostes sa Jerusalem, ang mga Hudiyo ug mga proselita nag-alirong sa mga tinun-an ni Jesu-Kristo. Sila naggikan pa sa Roma sa kasadpan ug sa Partia sa sidlakan. Lainlain ang pinulongan niining mga tawhana. Apan, ang mga tinun-an nga nakig-estorya kanila maoy mga taga-Galilea. Busa ang pipila natingala ug nangutana kon nganong ang mga tinun-an nakasulti ug lainlaing pinulongan.—Buh. 2:8.

Si apostol Pedro mitindog ug misaysay kon unsay hinungdan sa maong milagro. Daghan ang misanong dayon. Linibo ang nabawtismohan!  (Buh. 2:41) Bisag paspas ang pag-uswag sa kongregasyon, nagpabilin kining nahiusa. “Ang panon niadtong mga mituo usa ug kasingkasing ug kalag,” matod sa magsusulat sa Bibliya nga si Lucas.—Buh. 4:32.

Ang linibong nabawtismohan sa Pentekostes 33 K.P. buot pang magpabilin sa Jerusalem aron sa pagkat-on pa ug dugang bahin sa ilang bag-ong tinuohan. Apan wala nila kini mapangandami. Busa, samtang atua sila didto, ang mga magtutuo nagtinabangay sa pagsuportar sa ilang mga panginahanglan. Gibaligya sa uban ang ilang mga kabtangan ug gidala ang halin niini ngadto sa mga apostoles aron matagan-an ang mga nanginahanglan. (Buh. 2:42-47) Usa kini ka maayong paagi sa pagpakitag gugma ug pagkamanggihatagon!

Ang matuod nga mga Kristohanon mahigugmaon ug mahinatagon gayod. Karon, ang mga Kristohanon padayong nag-alagad kang Jehova uban ang nahiusang “kasingkasing ug kalag.” Sila malipayong naggamit sa ilang panahon, kusog, ug kahinguhaan sa pagsangyaw sa maayong balita ug sa pagpalambo sa intereses sa Gingharian sa Diyos.—Tan-awa ang ulohang  “Mga Paagi sa Paghatag nga Gipili sa Uban.”

[Kahon sa panid 6, 7]

 MGA PAAGI SA PAGHATAG NGA GIPILI SA UBAN

MGA AMOT ALANG SA TIBUOK-KALIBOTANG BULUHATON

Daghan ang naggahin o nagbadyet ug salapi nga ilang ihulog diha sa mga kahon sa kontribusyon nga gimarkahan ug “Worldwide Work.”

Matag bulan, ang mga kongregasyon magpadala niining maong salapi ngadto sa sangang buhatan sa mga Saksi ni Jehova nga nagdumala sa ilang nasod. Ang kinabubut-on nga mga donasyong salapi mahimong ipadala usab nga direkta sa Watch Tower Bible and Tract Society of the Philippines, Inc., P.O. Box 2044, 1060 Manila, o sa sangang buhatan sa mga Saksi ni Jehova nga nagdumala sa nasod nga inyong gipuy-an. Ang mga tseke nga ipadala sa adres sa ibabaw kinahanglang himoon nga payable to “Watch Tower Society.” Ang mga alahas o ubang mahalong mga butang mahimo usab nga idonar. Ang mubong sulat nga nagpahayag nga kana gidonar angayng ipasukip niana.

CONDITIONAL-DONATION TRUST ARRANGEMENT

Ang salapi mahimong ibutang nga in trust with Watch Tower Society aron magamit kini sa tibuok kalibotan. Apan, kon ang nagdonar mohangyo sa maong salapi, kana ibalik kaniya. Alang sa dugang impormasyon, palihog kontaka ang Treasurer’s Office sa adres nga gitala dinhi.

CHARITABLE PLANNING

Gawas sa direktang pagdonar ug mga salapi, adunay ubang mga paagi sa paghatag aron makatabang sa buluhaton sa Gingharian sa tibuok kalibotan. Kini naglakip sa:

Insurance: Ang Watch Tower Society mahimong himoon nga benepisyaryo sa usa ka polisa sa life insurance o sa pagretiro/pensyon.

Bank Accounts: Ang mga pondo sa bangko, sertipiko sa deposito, o indibiduwal nga mga pondo sa pagretiro mahimong ibutang nga in trust for o himoong payable on death ngadto sa Watch Tower Society, nga nahiuyon sa mga kinahanglanon sa lokal nga bangko.

Stocks and Bonds: Ang mga stock o aksiyones ug mga bond, mahimo usab nga idonar ngadto sa Watch Tower Society.

Real Estate: Ang ikabaligya nga balay ug yuta mahimong idonar nga direkta. Kon kini gipuy-an pa, mahimo niya kining ireserba ug magpadayon sa pagpuyo diha niana samtang siya buhi pa. Kontaka ang sangang buhatan sa nasod nga inyong gipuy-an sa dili pa buhatag papeles ang bisan unsang balay o yuta.

Gift Annuity: Kini maoy usa ka kahikayan diin ibalhin sa usa ang iyang salapi o mga deposito ngadto sa korporasyon nga gigamit sa mga Saksi ni Jehova. Sa baylo, ang nagdonar, o ang usa nga iyang gitudlo, modawat ug usa ka tino nga bayad matag tuig sa tibuok niyang kinabuhi. Ang buhis sa kinitaan (income-tax) sa nagdonar makunhoran sa tuig nga gisugdan ang gift annuity.

Wills and Trusts: Ang propiedad o salapi mahimong idonar ngadto sa Watch Tower Society pinaagig usa ka legal nga testamento, o ang Watch Tower Society mahimong himoon nga benepisyaryo sa usa ka trust agreement. Ang trust nga mapanunod sa usa ka relihiyosong organisasyon mahimong adunay pipila ka bentaha sa buluhisan.

Ang “charitable planning” o plano sa paghatag ug buhat sa kaluoy, maoy usa ka paagi sa pagdonar nga kinahanglang planohon daan. Aron maabagan ang mga indibiduwal nga gustong motabang sa tibuok-kalibotang buluhaton sa mga Saksi ni Jehova pinaagig charitable planning, gihimo ang Iningles ug Kinatsila nga brosyur nga Charitable Planning to Benefit Kingdom Service Worldwide. Kini nga brosyur naghatag ug impormasyon bahin sa mga paagi diin ikahatag ang mga gasa karon o inigkamatay sa nagdonar. Human mabasa ang maong brosyur ug makonsulta ang ilang mga magtatambag bahin sa legal nga mga butang o sa buhis, daghan ang nakatabang sa pagsuportar sa kalihokan sa mga Saksi ni Jehova sa tibuok kalibotan ug namenosan ug dako ang ilang bayranan sa buhis samtang nagbuhat niana. Kining brosyura mabatonan pinaagig direktang paghangyo niini sa Charitable Planning Office.

Alang sa dugang impormasyon, mahimong kontakon ang Charitable Planning Office pinaagig sulat o telepono, diha sa adres nga gilista sa ubos, o mahimong kontakon ang sangang buhatan sa mga Saksi ni Jehova nga nagdumala sa nasod nga inyong gipuy-an.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue,

San Francisco del Monte 1105 Quezon City

Telepono: (02) 411-6090