Nalipay Ka ba sa “Pribilehiyo sa Malulotong Pagpanghatag”?

ANG mga Kristohanon sa Filipos ilado sa ilang kaandam sa pagsuportar sa matuod nga pagsimba. Sa iyang sulat ngadto kanila, si Pablo miingon: “Nagpasalamat ako kanunay sa akong Diyos sa matag paghandom ko kaninyo sa matag pangamuyo ko alang kaninyong tanan, samtang nangamuyo ako uban ang kalipay, tungod sa inyong giamot alang sa maayong balita sukad sa unang adlaw hangtod niining gutloa.” (Filip. 1:3-5) Wala malimot si Pablo sa dihang si Lydia ug ang iyang panimalay nabawtismohan ug nagpugos kaniya ug sa iyang mga kauban nga moestar sa iyang balay.—Buh. 16:14, 15.

Wala madugay, ang bag-ong kongregasyon sa Filipos kaduha nagpadalag materyal nga tabang kang Pablo para sa iyang pag-estar ug pipila ka semana uban sa mga igsoon sa Tesalonica, mga 160 kilometros ang gilay-on. (Filip. 4:15, 16) Pipila ka tuig sa ulahi, samtang ang mga igsoon sa  Filipos ug Macedonia nakasinatig kasakitan ug “hilabihang kakabos,” ilang nasayran ang panginahanglan sa gilutos nga mga igsoon sa Jerusalem ug buot nilang motabang. Si Pablo miingon nga kini maoy “labaw sa ilang maarangan.” Bisan pa niana, siya misulat: “Sila . . . nagpadayon sa paghangyo kanamo uban ang tumang pagpangaliyupo alang sa pribilehiyo sa malulotong pagpanghatag.”—2 Cor. 8:1-4; Roma 15:26.

Mga napulo ka tuig human nahimong Kristohanon ang mga taga-Filipos, sila nagpadayon sa pagkamanggihatagon. Pagkahibalo nila nga si Pablo nabilanggo sa Roma, ilang gipadala si Epafrodito nga mipanaw ug milawig ug 1,287 kilometros dala ang materyal nga tabang para kang Pablo. Dayag nga gihimo kadto sa mga taga-Filipos aron si Pablo padayong makadasig sa mga igsoon ug makasangyaw, bisag naa sa bilanggoan.—Filip. 1:12-14; 2:25-30; 4:18.

Karon, giisip sa matuod nga mga Kristohanon nga usa ka pribilehiyo ang pagsuportar sa pagsangyaw sa Gingharian ug paghimog tinun-an. (Mat. 28:19, 20) Sila naghatag sa ilang panahon, kusog, ug salapi alang sa intereses sa Gingharian. Ang kahon sa ubos naghisgot ug pipila ka paagi nga ikaw makasuportar niini nga buluhaton.

[Kahon sa panid 22, 23]

MGA PAAGI SA PAGHATAG NGA GIPILI SA UBAN

MGA AMOT ALANG SA TIBUOK-KALIBOTANG BULUHATON

Daghan ang naggahin ug salapi nga ilang ihulog diha sa mga kahon sa kontribusyon nga gimarkahag “Worldwide Work.”

Matag bulan, ang mga kongregasyon magpadala niini nga salapi ngadto sa sangang buhatan sa mga Saksi ni Jehova nga nagdumala sa ilang nasod. Ang kinabubut-on nga mga donasyong salapi mahimong ipadala usab nga direkta sa Watchtower Bible and Tract Society of the Philippines, Inc., PO Box 2044, 1060 Manila, o sa sangang buhatan sa mga Saksi ni Jehova nga nagdumala sa inyong nasod. (Ang boluntaryong mga donasyon nga gihisgotan sa ubos mahimong ipadala usab sa sangang buhatan sa mga Saksi ni Jehova nga nagdumala sa inyong nasod.) Ang mga tseke nga ipadala sa adres sa ibabaw kinahanglang himoon nga payable to “Watch Tower Society.” Ang mga alahas o ubang mahalong butang mahimo usab nga idonar. Ang mubong sulat nga nagpahayag nga kana gidonar angayng ipasukip niana.

CONDITIONAL-DONATION TRUST ARRANGEMENT

Ang salapi mahimong ipagamit sa Watch Tower Society alang sa tibuok kalibotang buluhaton. Apan kon ang nagdonar mohangyo sa maong salapi, kana ibalik kaniya. Alang sa dugang impormasyon, mahimo kang mosulat sa Treasurer’s Office sa adres nga gitala dinhi o motawag sa (02) 411-6090.

CHARITABLE PLANNING

Gawas sa direktang pagdonar ug salapi, adunay ubang paagi sa paghatag aron makatabang sa buluhaton sa Gingharian sa tibuok kalibotan. Kini naglakip sa:

Insurance: Ang Watch Tower Society mahimong himoon nga benepisyaryo sa usa ka life insurance policy o retirement/pension plan.

Bank Accounts: Ang mga pondo sa bangko, sertipiko sa deposito, o indibiduwal nga mga pondo sa pagretiro mahimong ipagamit o himoong payable on death ngadto sa Watch Tower Society, nga nahiuyon sa mga kinahanglanon sa lokal nga bangko.

Stocks and Bonds: Ang mga stock ug bond mahimo usab nga idonar ngadto sa Watch Tower Society o ang Watch Tower Society ang himoong Transfer on Death nga benepisyaryo.

Real Estate: Ang ikabaligya nga balay ug yuta mahimong idonar nga direkta. Kon kini gipuy-an pa sa nagdonar, pwedeng mohimog kasabotan nga magpuyo siya niini samtang buhi pa. Kontaka ang sangang buhatan sa dili pa buhatag papeles sa pagdonar ang bisan unsang balay ug yuta.

Gift Annuity: Kini maoy usa ka kahikayan diin ibalhin sa usa ang iyang salapi o mga stock ug bond ngadto sa korporasyon nga gigamit sa mga Saksi ni Jehova. Sa baylo, ang nagdonar, o ang usa nga iyang gitudlo, modawat ug usa ka tinong bayad matag tuig sa tibuok niyang kinabuhi. Ang income tax sa nagdonar makunhoran sa tuig nga gisugdan ang gift annuity.

Wills and Trusts: Ang propiedad o salapi mahimong idonar ngadto sa Watch Tower Society pinaagig usa ka legal nga testamento, o ang Watch Tower Society mahimong himoon nga benepisyaryo sa usa ka trust agreement. Ang trust nga mapanunod sa usa ka relihiyosong organisasyon mahimong adunay pipila ka bentaha sa buluhisan.

Ang “charitable planning” maoy usa ka paagi sa pagdonar nga nagkinahanglag abanteng pagplano. Aron maabagan ang mga indibiduwal nga gustong motabang sa tibuok-kalibotang buluhaton sa mga Saksi ni Jehova pinaagig charitable planning, gihimo ang brosyur nga Charitable Planning to Benefit Kingdom Service Worldwide nga mabatonan sa Iningles o Kinatsila. Kini nga brosyur naghatag ug impormasyon bahin sa mga paagi diin ikahatag ang mga donasyon karon o inigkamatay sa nagdonar. Human mabasa ang maong brosyur ug makonsulta ang ilang mga abogado o magtatambag bahin sa buhis, daghan ang nakatabang sa pagsuportar sa kalihokan sa mga Saksi ni Jehova sa tibuok kalibotan ug namenosag dako ang ilang bayranan sa buhis samtang nagbuhat niana. Makahangyo ka niini nga brosyur sa Charitable Planning Office.

Alang sa dugang impormasyon, mahimo kang mosulat o motawag sa Charitable Planning Office sa adres nga gilista sa ubos, o mahimong kontakon ang sangang buhatan sa mga Saksi ni Jehova nga nagdumala sa inyong nasod.

Charitable Planning Office

Watch Tower Bible and Tract Society of the Philippines, Inc.

186 Roosevelt Avenue

San Francisco del Monte

1105 Quezon City

Telepono: (02) 411-6090