Espesyal nga Pakigpulong

Kinsa ang Takos Magmando sa Katawhan?

Aduna bay magmamando nga

• makasulbad sa problema sa ekonomiya ug makataganag abundang pagkaon ug desenteng puy-anan sa tanang tawo?

• makapugong sa mga kalamidad ug makaluwas sa mga tawo gikan sa tsunami, bagyo, o linog?

• makawagtang sa tanang sakit ug makapahinabo nga ang mga tigulang mabatan-on?

• makapahunong sa tanang gubat ug makapaarang sa ginsakpan niini nga mabuhi sa kalinaw ug kasegurohan?

• makapasig-uli sa hingpit nga kinaiyahan sa yuta ug maghimo niini nga usa ka paraiso?

Adunay usa lamang ka Magmamando nga makahimo niining tanan. Kinsa siya? Kining pangutanaha tubagon sa pakigpulong nga “Kinsa ang Takos Magmando sa Katawhan?” Kining binase-sa-Bibliya nga pakigpulong madunggan sa tibuok kalibotan sa kapin sa 230 ka kayutaan. Sa kadaghanang dapit, kini ipahayag diha sa Kingdom Hall sa mga Saksi ni Jehova sa Dominggo, Abril 6, 2008. Ang mga Saksi sa inyong lugar malipay sa pagpahibalo kanimo sa oras ug adres. Kami mainitong nagdapit kanimo sa pagtambong.