Ang Labing Hinungdanong Petsa sa Kasaysayan

Kana mao ang petsa nga namatay si Jesu-Kristo. Nganong hinungdanon kaayo ang kamatayon ni Jesus? Tungod sa daghang katarongan.

Ang pagkamatinumanon ni Jesus hangtod sa kamatayon nagpamatuod nga ang tawo makahupot sa iyang integridad sa Diyos.

Ang kamatayon ni Kristo naghatag usab ug kahigayonan sa ubang mga tawo nga makauban niya sa langit ingong mga hari. Dugang pa, kini naghatag ug kahigayonan sa daghang tawo nga makabaton ug kinabuhing walay kataposan sa paraiso sa yuta.

Sa gabii una siya mamatay, si Jesus migamit ug tinapay nga walay lebadura ug pula nga bino ingong mga simbolo sa iyang mahigugmaong paghalad sa iyang kinabuhi. Iyang giingnan ang iyang mga disipulo: “Ipadayon ninyo ang pagbuhat niini sa paghandom kanako.” (Lucas 22:19) Gusto ba nimong handomon kining hinungdanong okasyon?

Ang mga Saksi ni Jehova mainitong nag-imbitar kanimo sa pagduyog kanila sa paghandom sa kamatayon ni Jesus. Niining tuiga, kini pagahimoon sa adlawng Huwebes, Abril 9, human sa pagsalop sa adlaw. Mahimo kang motambong sa Kingdom Hall sa inyong lugar. Palihog kontaka ang mga Saksi ni Jehova sa inyong dapit alang sa oras ug lugar diin kini pagahimoon.