Si Jesus Naghalad sa Iyang Kinabuhi Alang sa Daghan

Giingnan ni Jesu-Kristo ang iyang mga sumusunod nga siya mianhi sa yuta, “dili aron pagaalagaran, kondili aron sa pag-alagad ug sa paghatag sa iyang kalag nga usa ka lukat baylo sa daghan.” (Mateo 20:28) Kinabubut-on niyang gihatag ang iyang kinabuhi alang sa kaayohan sa uban.

Sa unsang paagi ang kamatayon ni Jesus nahimong usa ka lukat? Nganong gikinahanglan kini? Alang kang kinsa gihatag ni Jesus ang iyang kinabuhi? Ug sa unsang paagi makabenepisyo ka sa iyang kamatayon?

Ang mga Saksi ni Jehova mainitong nagdapit kanimo sa pagduyog kanila aron masusi ang tubag sa Bibliya bahin niining mga pangutanaha. Niining tuiga, ang anibersaryo sa kamatayon ni Jesus pagahimoon sa adlawng Martes, Marso 30, human sa pagsalop sa adlaw. Sa maong okasyon, tubagon ang maong mga pangutana pinasukad sa Bibliya.

Mahimo kang motambong sa Kingdom Hall nga duol sa inyong balay. Palihog pangutan-a ang mga Saksi ni Jehova sa inyong lugar alang sa eksaktong oras ug dapit diin kini himoon.