Hain ang Diyos?

Septiyembre 11, 2001: Sa alas 8:46 sa buntag, usa ka ayroplano mibangga sa amihanang bilding sa World Trade Center sa New York City​—⁠ang una sa sunodsunod nga pag-atake sa mga terorista. Wala pay duha ka oras, mga 3,000 ka tawo ang namatay.

Disyembre 26, 2004

Usa ka linog sa Indian Ocean nga may gikusgong 9.0 nakapatunghag tsunami nga milampornas sa 11 ka nasod, lakip sa Africa​—⁠mga 5,000 kilometros ang gilay-on. Sulod lang sa usa ka adlaw 150,000 ka tawo ang namatay o wala na igkita, ug kapin sa usa ka milyon ang nawad-ag pinuy-anan.

Agosto 1, 2009: Ang usa ka 42-anyos nga amahan nga nag-jet ski uban sa iyang 5-anyos nga anak nga lalaki nabangga sa usa ka kahoyng dunggoanan. Ang amahan namatay dihadiha ug ang bata namatay pagkasunod adlaw. “Pwerte namong ampo nga duna untay mahitabong milagro ug dili siya mamatay,” matod pa sa usa ka naguol nga paryente.

Sa dihang makabalita kag mga pag-atake sa terorista o mga kalamidad o ikaw mismo ang makasinatig trahedya, mosantop ba sa imong hunahuna kon kini nakita sa Diyos? Ikaw ba mobati nga kita iya nang gipasagdan? Ang Bibliya naghatag ug makapahupayng tubag, nga maoy hisgotan sa sunod nga artikulo.

[Picture Credit Lines sa panid 3]

© Dieter Telemans/Panos Pictures

PRAKASH SINGH/AFP/Getty Images

©Dieter Telemans/Panos Pictures