Unsay imong tubag?

• Oo

• Dili

• Tingali

Ang giingon sa Bibliya

‘Halayo ra sa matuod nga Diyos nga mobuhat sa daotan, ug sa Labing Gamhanan nga mobuhat sa kawalay-hustisya!’ (Job 34:10) Ang Diyos dili gayod mohatag ug kadaot ug pag-antos nga maoy nagakahitabo karon dinhi sa kalibotan.

Unsa pay atong makat-onan sa Bibliya?

• Si Satanas nga Yawa, “ang magmamando niining kalibotana,” mao gayoy nakaingon sa pag-antos.​—Juan 14:30.

• Ang pag-antos ug pagkadaotan sagad maoy resulta sa dili maayong mga desisyon sa tawo.​—Santiago 1:14, 15.

Ang uban nagtuo nga ang tawo makawagtang sa pag-antos pinaagi sa ilang mga paningkamot, samtang ang uban wala maglaom nga moarang-arang ug kalit ang kahimtang sa kalibotan. Unsay imong hunahuna?

Ang giingon sa Bibliya

Wagtangon sa Diyos ang pag-antos. “Ang kamatayon mawala na, ni may pagbangotan ni pagtiyabaw ni may kasakit pa.”​—Pinadayag 21:3, 4.

Unsa pay atong makat-onan sa Bibliya?

• Gamiton sa Diyos si Jesus sa pagwagtang sa pag-antos nga gipahinabo sa Yawa.​—1 Juan 3:8.

• Ang mga tawong matarong magkinabuhi nga malinawon diha sa yuta sa walay kataposan.​—Salmo 37:9-11, 29.