Awit 47
Imantala ang Maayong Balita
1. Kamatuoran sa Binhi gitagoan,
Apan kamatuoran karon nabuksan.
Kay si Jehova gugma ug katarongan,
Pasayloon niya ang atong kasal-anan.
Iyang Anak maoy magmando sa yuta,
Dihang moabot na ang panahong gitakda.
Ug nagtagana siyag pangasaw-onon,
Ang pinili, hinimayang gamayng panon.
2. Maayong balita dugay nang nasayran,
Ato ning imantala ngadto sa tanan.
Nakigbahin usab mga manulonda
Sa pagmantala sa maayong balita.
Katungdanan ug kadungganan ta karon,
Iyang ngalan balaanon ug pagadayegon.
Ingong mga Saksi kita nabulahan
Nga nagdala sa iyang balaang ngalan.
(Tan-awa usab ang Mar. 4:11; Buh. 5:31; 1 Cor. 2:1, 7.)