Awit 13
Pag-ampo sa Pagpasalamat
1. Takos ka dayegon Diyos nga Jehova,
Kami magaawit sa pagsimba.
Tim-os ming nagasangpit kanimo,
Oh Tigpatalinghog sa pag-ampo.
Mangayo mi ug kapasayloan
Sa amo nga mga kasal-anan.
Gitubos kami sa Anak nimo,
Hangpon namo ang imong pagtudlo.
2. Mga dinapit mo malipayon
Sa pagdawat sa imong instruksiyon.
Tudloi kami bahin kanimo,
Gusto ming mopuyo sa templo mo.
Makagagahom ka gyod kaayo,
Nalig-on ming mga alagad mo.
Atong isangyaw ang Gingharian,
Dayegon nato, Diyos sa kaluwasan.
3. Nalipay mi nga nahingawa ka;
Ang tanan kanimo magasimba.
Pag-abot sa imong Gingharian,
Anak mo maglaglag sa daotan.
Mawala kamatayon ug luha;
Bulahang kalalangan magsadya.
Magpasalamat ug mag-awit ta:
“Dalayegon kaayo si Jehova!”
(Tan-awa usab ang Sal. 65:2, 4, 11; Filip. 4:6.)