Duol Na Gyod Kaayo
I-download:
1. Ang awit imong madunggan
Sa mga kalanggaman.
Ug ikaw naglakawlakaw
Ubos sa kahayag sa adlaw.
Imong giabiabi,
Minahal mong nabanhaw.
Yuta nga Paraiso,
Duol na gyod kaayo.
2. May balay sa kapatagan
Ug sa may kabungtoran.
Tingog sa tubig madunggan,
Nagaagos sa kasapaan.
Uma pagkaabunda,
Sa pag-ani andam na.
Yuta nga malipayon,
Duol na gyod kaayo.
(BRIDGE)
Makalipay pag-ubanay,
Higalang nagminahalay.
Mga luha nahanaw na.
Kahimtang ta, nabag-o na.
3. Dunay tingog sa kasadya,
Malipayon ang tanan.
Ug imong gikahinaman,
Minahal imong makauban.
Ug atong pasalamatan
Ang Diyos ta nga Jehova.
Kay ang panalangin n’ya
Duol na gyod kaayo.
(BRIDGE)
Hilabihan ang kalipay,
Makita ka nga nalipay.
Kay sa una pangandoy pa,
Apan karon natuman na.
4. Hapit na kaayo,
Kalibotan nga bag-o.
Ang gisaad sa Diyos nato
Di mapakyas ug segurado.
Kon ako ning palandongon,
Ang pagtuo molig-on.
Ako ning paaboton,
Kay duol na gyod kaayo.