Ang giyera sa Ukraine ug ang epekto sa climate change padayong nakaapektar sa suplay sa pagkaon sa tibuok kalibotan. Mao nay kahimtang ilabina sa pobreng mga nasod diin daghan ang maglisod ug palit ug pagkaon.

•   “Tungod sa mga kagubot, climate change, pagtaas sa presyo sa enerhiya, ug uban pa, naapektohan ang produksiyon ug distribusyon sa pagkaon.”—António Guterres, UN secretary-general, Hulyo 17, 2023.

•   “Dihang miatras ang Russia sa grain export agreement, ang mga eksperto miingon nga posibleng mosamot ang krisis sa pagkaon ug mas motaas ang presyo niini diha sa pobreng mga nasod, ilabina sa North Africa ug Middle East.”—Atalayar.com, Hulyo 23, 2023.

 Konsideraha ang giingon sa Bibliya bahin sa krisis sa pagkaon ug kon unsay mahitabo sa umaabot.

•   Si Jesus nagtagna: “Ang nasod makiggubat batok sa nasod ug ang gingharian batok sa gingharian, ug duna unyay mga kanihit sa pagkaon.”—Mateo 24:7.

•   Gi-describe sa basahon sa Pinadayag ang upat ka simbolikong mangangabayo. Ang usa niini nagrepresentar sa giyera. Gisundan siya sa laing mangangabayo nga nagrepresentar sa kagutom, sa panahon dihang limitado ug mahal kaayo ang pagkaon. “Ug nakita ko ang itom nga kabayo ug ang nagkabayo niini nagbitbit ug timbangan. Nadungog ko ang daw usa ka tingog . . . nga nag-ingon, ‘Usa ka litrong trigo o tulo ka litrong sebada ang mapalit sa suhol sa usa ka adlaw nga pagtrabaho.’”—Gipadayag 6:5, 6, Ang Bag-ong Maayong Balita Biblia.

 Ang mga tagna sa Bibliya bahin sa krisis sa pagkaon nagakatuman na karon, ug gitawag ni sa Bibliya ug “kataposang mga adlaw.” (2 Timoteo 3:1) Aron makakat-og dugang bahin sa “kataposang mga adlaw” ug sa upat ka mangangabayo sa Pinadayag, tan-awa ang video nga Ang Kalibotan Nausab Sukad Niadtong 1914 ug basaha ang artikulong “Kinsa ang Upat ka Mangangabayo?”

•   Ang Bibliya naay praktikal nga mga tambag kon unsaon pagsagubang ang lisod nga mga kahimtang, apil ang pagtaas sa presyo sa pagkaon o bisan ang kakulang sa pagkaon. Tan-awa ang pipila ka pananglitan sa artikulong “Kon Unsay Himoon Dihang Mogamay ang Kita.”

•   Ang Bibliya pod naghatag natog paglaom nga masulbad ra ni nga problema. Nagsaad ni nga moabot ang panahon nga naay “dagayang lugas sa yuta” ug ang tanan daghan nag pagkaon. (Salmo 72:16) Aron mahibalog dugang bahin niini nga paglaom sa umaabot ug kon nganong makasalig ka niini, basaha ang artikulong “Tinuod nga Paglaom Alang sa Mas Maayong Kaugmaon.”