Sa Enero 27, 2023, daghan ang magsaulog sa International Holocaust Remembrance Day. Ang pintas nga nahitabo kapig 75 ka tuig kanhi magpahunahuna tingali nimo kon nganong gitugotan sa Diyos nga mahitabo ang Holocaust.

•   Aron mahibaloan kon unsay giingon sa Bibliya, basaha ang artikulong “Nganong Nahitabo ang Holocaust? Nganong Wala Kini Pugngi sa Diyos?”

 Ang mga Hudiyo nag-antos pag-ayo ingong mga biktima sa Holocaust. Minilyon ang planadong gipatay. Ang mga membro sa ubang grupo gilutos sab ug gipatay panahon sa Holocaust. Apil kanila ang mga Saksi ni Jehova, nga gilutos tungod sa ilang binase sa Bibliya nga tinuohan.

•   Aron makakat-on ug dugang, basaha ang artikulong “Unsay Nahitabo sa mga Saksi ni Jehova Panahon sa Holocaust?”

 Daghan ang nahadlok nga naay mahitabo pag-usab nga sama sa Holocaust. Makapalipay nga ang Bibliya nagsaad nga sa umaabot wala nay mahitabo nga ingon niana nga mga trahedya.

•   “‘Kay nahibalo ko pag-ayo kon unsay akong buhaton kaninyo,’ miingon si Jehova, ‘hatagan mo nakog kalinaw, ug dili katalagman, aron makabaton mog maayong kaugmaon ug paglaom.’”—Jeremias 29:11. a

 Kini nga paglaom mahitabo dihang taposon na ni Jehova nga Diyos ang pagkadaotan ug wad-on niya ang kadaot nga gipahinabo niini. Sa dili madugay, iyang:

•   Laglagon kadtong naghimog grabeng kadaot sa uban.—Proverbio 2:22.

•   Ayohon ang tanang nag-antos.—Pinadayag 21:4.

•   Buhion pag-usab sa yuta ang mga namatay.—Juan 5:28, 29.

 Makasalig ka sa makapahupay nga paglaom nga gihatag sa Bibliya. Aron makakat-on kon ngano, puwede nimong sulayan ang among ginatanyag nga libreng pagtuon sa Bibliya nga may instruktor.