PADAYON SA PAGBANTAY!
Makapahiusa ba Gyod ang Olympics sa mga Tawo?—Unsay Giingon sa Bibliya?
Sa 2024 Summer Olympics, mga lima ka bilyong tawo ang motan-aw sa lainlaing dula sa mga atleta gikan sa 206 ka kayutaan. “Bahin ta sa usa ka kalihokan nga makahatag ug kalinaw ug makapahiusa sa kalibotan,” miingon si Thomas Bach, presidente sa International Olympic Committee. “Malipay gyod ta sa gipasiugda sa Olympics nga ang tanang tawo magkinabuhi nga malinawon ug magkahiusa, bisan pag kitang tanan daghan ug kalainan.”
Makab-ot ba gyod sa Olympics kining taas kaayo nga mga tumong? Moabot kaha ang panahon nga naa na tay tinuod nga kalinaw ug panaghiusa?
Makahatag ba gyod nig kalinaw ug panaghiusa?
Ang Olympics niining tuiga dili kay sports lang. Ang mga dula nagpasiugda sa mga isyu sa katilingban ug sa politika nga nakapabahinbahin sa mga tawo. Apil niini nga mga isyu ang katungod sa mga tawo, dili patas nga pagtratar sa uban, ug diskriminasyon tungod sa rasa ug relihiyon.
Makalingaw ang internasyonal nga mga sports sama sa Olympics. Pero imbes moresultag tinuod nga kalinaw ug panaghiusa, kini nga mga kalihokan nagpakitag mga kinaiya ug binuhatan nga nakapabahinbahin na hinuon sa mga tawo.
Ang Bibliya nagtagna sa kinaiya sa mga tawo nga nahimong hinungdan kon nganong lisod gyong makab-ot ang panaghiusa. (2 Timoteo 3:1-5) Aron mahibalog dugang bahin niini nga tagna, basaha ang artikulo nga “Gitagna ba sa Bibliya ang Panghunahuna ug Binuhatan sa mga Tawo Karon?”
Tinuod nga paglaom sa kalinaw ug panaghiusa
Gihisgotan sa Bibliya ang tinuod nga paglaom alang sa kalinaw ug panaghiusa sa tibuok kalibotan. Nagsaad ni nga ang tanang tawo sa yuta magkahiusa ubos sa langitnong gobyerno nga gitawag ug “Gingharian sa Diyos.”—Lucas 4:43; Mateo 6:10.
Ang Hari niana nga Gingharian, si Jesu-Kristo, magpatunghag kalinaw sa tibuok yuta. Ang Bibliya nag-ingon:
“Molambo ang matarong, ug ang pakigdait modagaya.”—Salmo 72:7.
“Luwason niya ang kabos nga nagtuaw alang sa tabang . . . Luwason niya sila gikan sa pagdaogdaog ug kapintasan.”—Salmo 72:12, 14.
Bisan karon, ang mga gitudlo ni Jesus nakapahiusa sa minilyong tawo sa 239 ka kayutaan. Ingong mga Kristohanon, ang mga Saksi ni Jehova sa tibuok kalibotan nakakat-on nga mahimong makigdaiton. Alang sa dugang impormasyon bahin ani, basaha ang Bantayanang Torre nga magasin nga nag-ulohang “Kon Unsaon Pagwala sa Pagdumot.”
Basin Ganahan Pod Ka
TUBAG SA MGA PANGUTANA BAHIN SA BIBLIYA
Asa Ko Makakaplag ug Paglaom?
Kon ang imong paglaom gibase sa Bibliya, mouswag ang imong kinabuhi karon ug makabaton kag positibong panglantaw sa umaabot.
IMPORTANTENG GITUDLO SA BIBLIYA
Unsa ang Gingharian sa Diyos?
Sa dihang dinhi pa si Jesus sa yuta, pirme niyang gisangyaw ang Gingharian sa Diyos. Sulod sa dugay nang katuigan, ang iyang mga sumusunod nagaampo nga moabot na unta ang maong Gingharian.
UBANG TOPIKO
Tinuod nga Paglaom Alang sa Mas Maayong Kaugmaon
Nganong ang mga saad sa Bibliya lahi ra sa mga saad ug prediksiyon sa tawo?
TUBAG SA MGA PANGUTANA BAHIN SA BIBLIYA
Kalinaw sa Yuta—Sa Unsang Paagi Kini Makab-ot?
Sayra kon unsay gisaad sa Diyos bahin sa pagpatunghag kalinaw sa yuta pinaagi sa iyang Gingharian.
IMPORTANTENG MGA PAGTULON-AN SA BIBLIYA
Asa Makita ang Tubag sa Importante nga mga Pangutana sa Kinabuhi?
Naa ba kay mga pangutana bahin sa kinabuhi, kamatayon, o sa umaabot? Makita nimo ang makapatagbawng tubag niana ug sa uban pang mga pangutana! Pero asa?
BAHIN KANAMO
Hangyo nga Magpaduaw
Pakighisgot bahin sa usa ka topic sa Bibliya, o pagkat-og dugang bahin sa mga Saksi ni Jehova.
