•   “Mga katunga sa adulto sa U.S. ang miingon nga nakaeksperyensiya silag kamingaw. Ug niana nga ihap, kinadaghanan ang batabata pa nga mga adulto.”—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•   “[Ang World Health Organization] nagpahibalo nga nagporma silag grupo nga Commission on Social Connection aron solusyonan ang nagkagrabe nga problema sa kamingaw, dasigon ang mga tawo nga himoong prayoridad ang pagpakighigala, ug mapangitaag solusyon ang problema sa kamingaw sa tanang nasod, dato man o pobre.”—World Health Organization, Nobyembre 15, 2023.

 Ang Bibliya naay praktikal nga tambag nga makatabang nato nga maugmad ang maayong relasyon ngadto sa uban.

 Menosi ang mga kalihokan nga magpalain nimo sa uban. Apil ani ang sobrang paggamit ug social media. Imbes kanay himoon, pangitag mga kahigayonan nga makig-uban sa mga tawo kay pinaagi ana, makakita kag tinuod nga mga higala.

•   Prinsipyo sa Bibliya: “Ang tinuod nga higala magpakitag gugma sa tanang panahon ug siya igsoon nga masaligan panahon sa kalisdanan.”—Proverbio 17:17.

 Pangitag kahigayonan nga makatabang sa uban. Ang paghimog maayo ngadto sa uban dili lang makapasuod nimo kanila kondili makatabang pod ni nga mas magmalipayon ka.

•   Prinsipyo sa Bibliya: “Dunay labaw nga kalipay sa paghatag kay sa pagdawat.”—Buhat 20:35.

 Makita nimo niini nga website ang dugang impormasyon gikan sa Bibliya kon unsaon pag-ugmad ug maayong panaghigalaay.