Sa Hulyo 2022, narekord ang kinainitang temperatura sa tibuok kalibotan:

•   “Ang China nagpasidaan sa halos 70 ka siyudad nga naay ikaduhang heat wave nga mahitabo niining bulana.”—Hulyo 25, 2022, CNN Wire Service.

•   “Nangasunog ang kalasangan sa mga nasod sa Europe tungod sa grabeng pagtaas sa temperatura.”—Hulyo 17, 2022, The Guardian.

•   “Niadtong Dominggo, narekord ang kinatas-ang pag-init sa temperatura sa daghang siyudad sa United States tungod sa summer heat wave diha sa East Coast ug sa ubang lugar sa South ug Midwest.”—Hulyo 24, 2022, The New York Times.

 Unsay gipakita niini? Moabot kaha ang panahon nga imposible nang mabuhi dinhi sa yuta? Unsay giingon sa Bibliya?

 Oo. Ang mga heat wave sa tibuok kalibotan apil sa mga hitabo nga gitagna sa Bibliya nga makita sa atong panahon. Pananglitan, gitagna ni Jesus nga makakita tag “makalilisang nga mga talan-awon,” o “makahahadlok nga mga butang.” (Lucas 21:11; Maayong Balita Biblia) Tungod sa pagtaas sa temperatura sa tibuok kalibotan, daghan ang nahadlok nga bug-os nga madaot sa tawo ang yuta.

 Dili. Gihimo sa Diyos ang yuta ingong permanenteng puy-anan sa tawo. (Salmo 115:16; Ecclesiastes 1:4) Dili niya tugotan nga bug-os madaot sa tawo ang yuta, hinuon iyang ‘laglagon ang mga nagadaot sa yuta,’ sumala sa iyang saad.—Pinadayag 11:18, footnote.

 Matikdi ang duha ka tagna nga nagpakita kon unsa pay gisaad sa Diyos:

•   “Ang kamingawan ug ang umaw nga yuta magsadya, ug ang desyertong kapatagan magkalipay ug mamulak sama sa safron.” (Isaias 35:1) Dili tugotan sa Diyos nga ang yuta mahimong desyerto nga dili na kapuy-an, hinuon iyang ayohon ang mga parte niini nga nadaot.

•   “Giatiman nimo ang yuta, nga gihimo kining mabungahon kaayo ug tabunok kaayo.” (Salmo 65:9) Tungod sa panalangin sa Diyos, ang yuta mahimong paraiso.

 Aron mahibalog dugang kon sa unsang paagi ang climate change nagtuman sa tagna sa Bibliya, basaha ang artikulo nga “Climate Change ug ang Atong Kaugmaon—Unsay Giingon sa Bibliya?”

 Aron mahibalog dugang bahin sa saad sa Diyos nga ayohon ang yuta, tan-awa ang artikulo nga “Kinsay Makasalbar sa Yuta?”