“Ang seryosong mga problema bahin sa klima nakaapektar pag-ayo sa mga tawo, siyudad, ug sa tanang kinabuhi dinhi sa yuta. Ang nagkakusog nga mga bagyo tungod sa pagbag-o sa klima nakagubag mga balay ug panginabuhian sa mga tawo sa tibuok kalibotan. Ang dagat nagakainit ug posibleng mahurot ug kamatay ang daghang klaseng linalang sa dagat.”—Inger Andersen, under-secretary-general sa United Nations ug executive director sa UN Environment Programme, Hulyo 25, 2023.

 Magtinabangay kaha ang mga gobyerno aron masulbad ni nga mga problema sa tibuok kalibotan? Makahatag ba silag permanenteng solusyon niini nga mga problema?

 Ang Bibliya naghisgot ug gobyerno nga seguradong makasulbad sa tanang problema sa kinaiyahan. Kini nag-ingon nga “ang Diyos sa langit magtukod ug gingharian,” usa ka gobyerno nga mosulbad sa tanang problema dinhi sa yuta. (Daniel 2:44) Ubos sa pagmando niana nga gobyerno, ang mga tawo “dili . . . magpahinabog bisan unsang kadaot o bisan unsang kagun-oban” sa yuta o sa usag usa.—Isaias 11:9.