Dihang ang usa nahimong magmamantala, siya miuyon nga ang tibuok kalibotang relihiyosong organisasyon sa mga Saksi ni Jehova (“Jehovah’s Witnesses”)—lakip ang lokal nga kongregasyon sa mga Saksi ni Jehova, lokal nga sangang buhatan, ug uban pang mga organisasyon sa mga Saksi ni Jehova—naggamit sa personal nga mga impormasyon sa paagi nga subay sa balaod alang sa legal nga relihiyosong mga kalihokan niini. Ang mga magmamantala kinabubut-on nga naghatag sa ilang personal nga mga impormasyon ngadto sa ilang kongregasyon, subay sa instruksiyon sa librong Organisado Aron Buhaton ang Kabubut-on ni Jehova, aron makapakigbahin sila sa relihiyosong mga kalihokan nga bahin sa ilang pagsimba ug aron makadawat sila ug espirituwal nga tabang.—1 Pedro 5:2.

Ang personal nga mga impormasyon naglakip sa ngalan, petsa sa pagkatawo, gender, petsa sa bawtismo, ug contact information sa usa ka tawo, ingon man impormasyon bahin sa iyang espirituwalidad, kalihokan sa ministeryo, bisan unsang role o responsibilidad sa organisasyon sa mga Saksi ni Jehova, o bisan unsang impormasyon nga ihatag sa mga magmamantala samtang nakigbahin sa dugang relihiyosong mga kalihokan. Lakip sab niana ang impormasyon maylabot sa relihiyosong tinuohan sa magmamantala ug mahimo sab nga maglakip sa ubang sensitibong personal nga impormasyon. Ang paggamit sa personal nga impormasyon mahimong magpasabot ug pagkolekta, pagrekord, pag-organisar, ug pagtipig niini, ug naglakip sa uban pang sama niana nga mga proseso.

Ang Data Protection Law niini nga nasod mao ang mosunod:

The Data Protection and Privacy Act, 2019.

Subay niini nga Data Protection Law, ang mga Saksi ni Jehova naggamit sa personal nga impormasyon sa mga magmamantala alang sa relihiyosong mga katuyoan, sama sa mosunod:

• pagmentinar ug pagdumala sa relihiyon sa mga Saksi ni Jehova

• pagpakigbahin sa mga panagkatigom sa lokal nga kongregasyon sa mga Saksi ni Jehova ug pagboluntaryo sa bisan unsang kalihokan o proyekto

• pagpili nga makigbahin sa usa ka tigom, asembliya, o kombensiyon nga girekord ug i-broadcast alang sa espirituwal nga pagtudlo sa mga Saksi ni Jehova sa tibuok kalibotan

• paghimo sa bisan unsang asaynment o pagtuman sa uban pang responsibilidad sulod sa kongregasyon

• paghupot ug Congregation’s Publisher Record nga mga kard

• pag-shepherding ug pag-atiman nga himoon sa mga ansiyano sa mga Saksi ni Jehova (Buhat 20:28; Santiago 5:14, 15)

• pagbaton ug mga emergency contact information nga gamiton dihang may emerhensiya

Ang personal nga mga impormasyon tipigan sulod sa panahon nga kini gikinahanglan alang sa mga nahisgotan nga katuyoan o sa uban pang legal nga katuyoan. Kon ang magmamantala, dihang gihangyo sa paghatag ug bisan unsang gikinahanglan nga personal nga impormasyon, midesisyon nga dili maghatag niini o dili motugot nga iproseso ang iyang personal nga impormasyon, o kon ang ginikanan o guardian sa usa ka menor de edad nga magmamantala, dihang gihangyo sa pagpirma sa Notice and Consent for Use of Personal Data nga form, dili mopirma niini, posible nga dili matino sa mga Saksi ni Jehova kon kuwalipikado ba ang magmamantala alang sa usa ka responsibilidad sulod sa kongregasyon o sa pagpakigbahin sa usa ka relihiyosong kalihokan.

Ang mga Saksi ni Jehova nagalihok sa tibuok kalibotan. Busa ang personal nga impormasyon sa mga magmamantala mahimong i-transfer, ipadala, o tipigan sa gawas sa nasod diin sila nahimutang. Kini mahimong maglakip sa mga nasod diin ang mga balaod nag-provide ug lainlaing level sa pagprotektar sa mga impormasyon, nga dili kanunayng sama nianang sa nasod diin ang maong impormasyon naggikan. Ang mga Saksi ni Jehova mohimog nahiangayng mga lakang aron maseguro nga maprotektahan ang bisan unsang impormasyon nga i-transfer. Kini mahimong maglakip sa paggamit ug mga kasabotan alang sa maong mga pag-transfer. Ang tanang modawat sa impormasyon nga mga Saksi ni Jehova mogamit lamang sa personal nga impormasyon sa mga magmamantala sa paagi nga subay sa Tibuok Kalibotang Polisa sa mga Saksi ni Jehova Bahin sa Pagprotektar ug Impormasyon.

Ang mga magmamantala may katungod sa pag-access sa ilang personal nga mga impormasyon nga gitipigan sa mga Saksi ni Jehova, pag-request nga i-delete kini o i-restrict ang pagproseso niini, o sa dili pag-uyon sa pagproseso niini, o pag-usab sa sayop nga mga detalye niini. Kon ang mga magmamantala maghatag ug awtorisasyon sa pagproseso sa ilang personal nga impormasyon alang sa ubang kalihokan, sa bisan unsang panahon, puwede silang modesisyon nga bawion ang ilang gihatag nga awtorisasyon may kalabotan sa pipila ka paggamit sa ilang personal nga impormasyon sa umaabot. Kon ang mga magmamantala dili mohatag ug awtorisasyon sa paggamit sa personal nga impormasyon o kaha bakwion nila kini o kon ang mga magmamantala mohangyo nga i-delete ang ilang personal nga impormasyon o i-restrict ang pagproseso niini, mahimo gihapong gamiton sa mga Saksi ni Jehova ang pipila nila ka personal nga impormasyon, base sa legal nga relihiyosong katuyoan niini o base sa uban pang legal nga pasukaranan ilalom sa Data Protection Law. Nasayod ang mga magmamantala nga duna silay katungod sa pagpasakag reklamo ngadto sa data protection supervisory authority sa nasod diin sila nagpuyo.

Ang mga Saksi ni Jehova nagsunod sa pipila ka mga proseso ug naggamit ug teknikal nga mga pamaagi, nga nahiuyon sa Data Protection Law, sa pagprotektar sa personal nga mga impormasyon. Nasabtan sa mga magmamantala nga ang ilang personal nga impormasyon ma-access lang sa pipila ka awtorisadong indibiduwal alang sa mga nahisgotan nang katuyoan.

Ang mga pangutana alang sa data protection officer mahimong i-email niini nga address:

DataProtectionOfficer.UG@jw.org.

Nasayod ang mga magmamantala nga ang ngalan ug contact information sa data controller alang sa nasod diin sila nagpuyo, apil sa ilang representante ug data protection officer kon duna, makita diha sa Mga Kontak Bahin sa Pagprotektar ug Impormasyon nga page sa jw.org.

Mahimong magbag-o ang mga pamaagi sa mga Saksi ni Jehova sa paggamit sa personal nga mga impormasyon tungod sa mga pagbag-o diha sa relihiyosong mga kalihokan, sa balaod, o sa teknolohiya. Kon dunay kinahanglang bag-ohon niining Paggamit sa Personal nga Impormasyon nga page, kini nga mga kausaban i-post dinhi nga page aron masayod kanunay ang mga magmamantala bahin sa kon unsang mga impormasyon ang ginakolekta ug kon sa unsang paagi kini ginagamit. Palihog i-check kanunay kon dunay mga kausaban niini nga page.