Dihang ang usa nahimong magmamantala, siya miuyon nga ang tibuok kalibotang relihiyosong organisasyon sa mga Saksi ni Jehova—lakip ang lokal nga kongregasyon sa mga Saksi ni Jehova, lokal nga sangang buhatan, ug uban pang mga organisasyon sa mga Saksi ni Jehova—naggamit sa personal nga mga impormasyon sa paagi nga subay sa balaod alang sa legal nga relihiyosong mga kalihokan niini. Ang mga magmamantala kinabubut-on nga naghatag sa ilang personal nga mga impormasyon ngadto sa ilang kongregasyon, subay sa instruksiyon sa librong Organisado Aron Buhaton ang Kabubut-on ni Jehova, aron makapakigbahin sila sa relihiyosong mga kalihokan nga bahin sa ilang pagsimba ug aron makadawat sila ug espirituwal nga tabang.—1 Pedro 5:2.

Ang mga magmamantala mahimong mohatag ug dugang pang personal nga mga impormasyon ngadto sa mga Saksi ni Jehova dihang makigbahin sila sa ubang relihiyosong kalihokan. Ang personal nga mga impormasyon mahimong maglakip sa ngalan, petsa sa pagkatawo, gender, petsa sa bawtismo, contact information, o impormasyon bahin sa espirituwalidad, kalihokan sa ministeryo, o mga responsibilidad sa usa ingong Saksi ni Jehova. Lakip sab niana ang impormasyon maylabot sa relihiyosong tinuohan sa magmamantala ug mahimo sab nga maglakip sa ubang sensitibong personal nga impormasyon. Ang paggamit sa personal nga impormasyon mahimong maglakip sa pagkolekta, pagrekord, pag-organisar, paghan-ay, ug pagtipig niini, ug naglakip sa uban pang sama niana nga mga proseso.

Ang Data Protection Law niini nga nasod maoy:

Ang Act of May 10, 2018, bahin sa personal data protection; ang Act of February 21, 2019, bahin sa mga pag-amendar sa pipila ka act may kalabotan sa pagtino nga nasunod ang General Data Protection Regulation (EU) 2016/679; ug ang General Data Protection Regulation (EU) 2016/679.

Subay niini nga Data Protection Law, ang mga magmamantala miuyon nga gamiton sa mga Saksi ni Jehova ang ilang personal nga impormasyon alang sa relihiyosong mga katuyoan, sama sa:

• pagpakigbahin sa mga panagkatigom sa lokal nga kongregasyon sa mga Saksi ni Jehova ug pagboluntaryo sa bisan unsang kalihokan o proyekto;

• pag-uyon nga makigbahin sa usa ka tigom, asembliya, o kombensiyon nga girekord ug i-broadcast alang sa espirituwal nga pagtudlo sa mga Saksi ni Jehova sa tibuok kalibotan;

• paghimo sa bisan unsang asaynment o pagtuman sa uban pang responsibilidad sulod sa kongregasyon, nga naglakip sa pagbutang sa ngalan sa magmamantala ug sa iyang asaynment diha sa information board sa Kingdom Hall sa mga Saksi ni Jehova;

• paghupot ug Congregation’s Publisher Record nga mga kard;

• pag-shepherding ug pag-atiman nga himoon sa mga ansiyano sa mga Saksi ni Jehova (Buhat 20:28; Santiago 5:14, 15);

• pagbaton ug mga contact information nga gamiton dihang may emerhensiya.

Ang personal nga mga impormasyon tipigan sulod sa panahon nga kini gikinahanglan alang sa mga nahisgotan nga katuyoan o sa uban pang legal nga katuyoan. Kon ang magmamantala dili mopirma sa form nga Notice and Consent for Use of Personal Data, posible nga dili matino sa mga Saksi ni Jehova kon kuwalipikado ba siya alang sa usa ka responsibilidad sulod sa kongregasyon o sa pagpakigbahin sa usa ka relihiyosong kalihokan.

Kon gikinahanglan ug nahiangay, ang personal nga mga impormasyon ipadala ngadto sa mga organisasyon sa mga Saksi ni Jehova. Nasayod ang mga magmamantala nga ang ubang organisasyon sa mga Saksi ni Jehova nahimutang sa mga nasod diin ang balaod bahin sa pagprotektar sa mga impormasyon dili kanunayng sama nianang sa nasod diin ang maong impormasyon naggikan. Bisan pa niana, nasayod sila nga si bisan kinsa nga modawat sa ilang personal nga impormasyon, nga mahimong madawat sab sa mga organisasyon sa tibuok kalibotang hedkuwarter sa mga Saksi ni Jehova, mogamit lamang niana sa paagi nga subay sa Tibuok Kalibotang Polisa sa mga Saksi ni Jehova Bahin sa Personal Data.

Ang mga magmamantala may katungod sa pag-access sa ilang personal nga mga impormasyon nga gitipigan sa mga Saksi ni Jehova, pag-request nga i-delete o ipahunong ang paggamit niini, o pag-usab sa sayop nga mga detalye niini. Sa bisan unsang panahon, puwedeng modesisyon ang magmamantala nga bawion ang iyang gihatag nga awtorisasyon bahin sa paggamit sa iyang personal nga impormasyon. Kon bawion sa usa ka magmamantala ang iyang gihatag nga awtorisasyon, mahimo gihapong gamiton sa mga Saksi ni Jehova ang pipila niya ka personal nga impormasyon, base sa legal nga katuyoan niini sa paghupot ug pagdumalag impormasyon bahin sa mga membro sa mga Saksi ni Jehova sa tibuok kalibotan, o base sa uban pang legal nga pasukaranan ilalom sa Data Protection Law. Nasayod ang mga magmamantala nga duna silay katungod sa pagpasakag reklamo bahin niini ngadto sa awtoridad nga nagpatuman sa Data Protection Law diha sa nasod diin sila nagpuyo.

Ang mga Saksi ni Jehova nagsunod sa pipila ka mga proseso ug naggamit ug teknikal nga mga pamaagi, nga nahiuyon sa Data Protection Law, sa pagprotektar sa personal nga mga impormasyon. Nasabtan sa mga magmamantala nga ang ilang personal nga mga impormasyon ma-access lang sa pipila ka awtorisadong indibiduwal alang sa mga nahisgotan nang katuyoan.

Ang mga pangutana alang sa data protection officer mahimong ipadala pinaagig e-mail sa:

DataProtectionOfficer.PL@jw.org.

Nasayod ang mga magmamantala nga ang ngalan ug contact information sa data controller alang sa nasod diin sila nagpuyo, apil sa ilang hawas ug data protection officer kon duna, makita diha sa Mga Kontak Bahin sa Pagprotektar ug Impormasyon nga webpage sa jw.org.

Mahimong magbag-o ang among mga pamaagi sa paggamit sa personal nga mga impormasyon tungod sa mga pagbag-o diha sa among relihiyosong mga kalihokan, sa balaod, o sa teknolohiya. Kon dunay kinahanglang bag-ohon niining Paggamit sa Personal nga Impormasyon nga webpage, among ipakita ang maong kausaban dinhi nga webpage aron masayod ang mga magmamantala bahin sa kon unsang mga impormasyon ang among ginakolekta ug sa paagi nga amo kining ginagamit. Palihog i-check kanunay kon dunay mga kausaban niini nga webpage.