Kini nga data privacy notice nagpatin-aw kon ngano ug kon sa unsang paagi ang mga Saksi ni Jehova nagkolekta ug naggamit sa personal nga impormasyon sa mga magmamantala, ug naghisgot sa mga katungod sa mga magmamantala bahin sa ilang personal nga impormasyon. Niini nga notice, ang “ikaw” o “imong” nagtumong sa mga indibiduwal nga bawtismado o dili bawtismadong mga magmamantala a sa kongregasyon sa mga Saksi ni Jehova ug kansang personal nga impormasyon giproseso sa mga Saksi ni Jehova may kalabotan sa pagmentinar ug pagdumala sa relihiyon ug relihiyosong mga kalihokan sa mga Saksi ni Jehova.

Ang mga Saksi ni Jehova nagalihok sa tibuok kalibotan. Niini nga notice, ang “Religious Organization,” “among,” “kami,” o “kanamo” nagtumong sa tibuok kalibotang relihiyosong organisasyon sa mga Saksi ni Jehova o nagtumong sa usa o kapin pa sa mga organisasyon (entity) nga gigamit sa mga Saksi ni Jehova. Kini nga mga organisasyon naglakip sa lokal nga kongregasyon, lokal nga sangang buhatan, ug uban pang mga organisasyon sa mga Saksi ni Jehova. Usa o kapin pa niini nga mga organisasyon mao ang data controller sa imong personal nga impormasyon, depende sa imong interaksiyon kanamo. Ang organisasyon sa Jehovas Zeugen der Schweiz mao ang data controller alang sa mga magmamantala sa mga kongregasyon sa Switzerland.

Subay sa instruksiyon sa librong Organisado Aron Buhaton ang Kabubut-on ni Jehova, kami direktang nagakolekta ug personal nga impormasyon gikan nimo, gikan sa mga tinubdan nga mabatonan sa publiko, o gikan sa uban dihang nahimo kang magmamantala aron makapakigbahin ka sa relihiyosong mga kalihokan maylabot sa imong pagsimba ug aron makadawat kag espirituwal nga tabang.—1 Pedro 5:2.

Kon duna kay mga pangutana bahin sa paggamit sa imong personal nga impormasyon, palihog pag-email sa mosuod nga address:

LGL-Switzerland@jw.org

Kon gusto kang mokontak sa imong local data protection officer, palihog pag-email sa mosunod nga address:

DataProtectionOfficer.CH@jw.org

Mabasa nimo sa ubos ang dugang impormasyon sa paggamit sa imong personal nga impormasyon.

Ang personal nga impormasyon nga among gikolekta bahin nimo

Ikaw kinabubut-ong naghatag sa kadaghanan sa personal nga impormasyon nga among gikolekta ug gigamit sa pagmentinar ug pagdumala sa relihiyon ug relihiyosong mga kalihokan sa mga Saksi ni Jehova. Tungod niini, dali ra nimong mailhan ang personal nga impormasyon nga among gikolekta ug gigamit. Kini nga impormasyon naglakip sa mosunod:

• Basic data, sama sa imong ngalan, petsa sa pagkatawo, ug gender

• Contact data, sama imong postal address, email address, mga numero sa telepono, ug imong emergency contact information

• Spiritual data, sama imong petsa sa bawtismo, “anointed (dinihogan)” ba ka o bahin sa “other sheep (ubang mga karnero),” bisan unsang role o asaynment nimo sa lokal nga kongregasyon o sa Religious Organization, imong kalihokan sa ministeryo, imong status sa espirituwal ug bisan unsang petsa nga konektado sa maong status, ug ubang susamang impormasyon bahin sa imong espirituwalidad.

Ang personal nga impormasyon nga among gikolekta bahin nimo mahimong maglakip sa mga espesyal nga mga kategoriya sa imong personal nga impormasyon (special category data). Ang espesyal nga mga kategoriya naglakip sa kagikan (tribo, rasa) ug relihiyosong mga tinuohan, ug uban pa.

Mga katuyoan ug legal nga basehanan sa among paggamit sa imong personal nga impormasyon

Sumala sa among polisa, ang among ginakolekta mao lang ang personal nga impormasyon nga gikinahanglan alang sa among katuyoan ug kini iproseso nga subay sa balaod ug may balido ug legal nga basehanan.

Kon ikaw mahimong magmamantala, among kolektahon ug gamiton ang imong personal nga impormasyon subay sa balaod ug sa among legitimate interest sa pagmentinar ug pagdumala sa relihiyon sa mga Saksi ni Jehova aron makapakigbahin ka sa relihiyosong mga kalihokan maylabot sa imong pagsimba ug makadawat kag espirituwal nga tabang. Sa dihang iproseso namo ang impormasyon ug nasayran nga kini dunay espesyal nga kategoriya, sama sa imong relihiyosong tinuohan, mag-amping mi sa pagproseso sa impormasyon ug dili namo kini ibutyag nga walay pagtugot nimo sa gawas sa Religious Organization. Among konsiderahon ug timbangtimbangon ang posibleng epekto niini kanimo ug sa imong mga katungod sa dili pa namo iproseso ang imong personal nga impormasyon alang sa among legitimate interest.

Puwede sab namong gamiton ang imong personal nga impormasyon sa pag-comply sa usa ka legal nga obligasyon. Kon dunay emerhensiya, puwede namong gamiton ingong basehanan ang imong vital interest o niadtong sa laing tawo sa pagproseso ug personal nga impormasyon.

Sagad, dili mi magproseso ug personal nga impormasyon base sa consent (pagtugot), kay sagad makasalig ra mi sa laing legal nga basehanan. Pero, mogamit mig consent kon mihatag kag pagtugot sa pagproseso sa imong personal nga impormasyon. Palihog matikdi nga ang impormasyon sa mga menor de edad iproseso nga may pagtugot sa ginikanan o legal guardian.

Gipakita sa table sa ubos ang mga paagi nga gamiton namo ang imong personal nga impormasyon ug ang legal nga mga basehanan nga among gigamit. Palihog kontaka ang local data protection officer gamit ang contact information sa ibabaw alang sa dugang mga detalye.

Retention

Gina-retain lang namo ang personal nga impormasyon samtang kini gikinahanglan alang sa mga katuyoan nga gihisgotan sa seksiyong “Mga katuyoan ug legal nga basehanan sa among paggamit sa imong personal nga impormasyon” diha sa ibabaw.

Sa pagtino sa haom nga retention period alang sa personal nga impormasyon, among gikonsiderar ang ma-apply nga legal nga mga requirement ug ang gidaghanon, klase, ug sensitivity sa personal nga impormasyon; ang potensiyal nga risgo sa kadaot tungod sa dili awtorisado nga paggamit o paghatag sa imong personal nga impormasyon; ang mga katuyoan sa among pagproseso sa imong personal nga impormasyon, ug kon makuha ba namo ang maong mga katuyoan sa laing paagi.

Sa tibuok kalibotan, mahimong managlahi ang retention period sa lainlaing nasod o hurisdiksiyon ug kini gitakda sumala sa lokal nga mga legal ug regulatory retention requirement. Ang personal nga impormasyon mahimong huptan sab sulod sa mas dugay nga panahon kon ang pag-extend sa mga retention period gitakda sa balaod o regulation ug aron maestablisar, magamit, o mapanalipdan ang among legal nga mga katungod.

Sa ubang kahimtang, dili tingali namo isulti ang ngalan sa imong personal nga impormasyon (aron dili na kini ma-associate kanimo) alang sa katuyoan sa research o estadistika. Niana nga kahimtang, mahimo namong gamiton kini nga impormasyon sa walay tino nga panahon nga dili na mi magpahibalo nimo.

Kon gusto nimong mahibalog dugang bahin sa mga retention period nga among gi-apply sa imong personal nga impormasyon, palihog kontaka ang local data protection officer gamit ang contact information sa ibabaw.

Pagbalhin sa personal nga impormasyon

Ang mga Saksi ni Jehova nagalihok sa tibuok kalibotan. Tungod niini, kinahanglan namong i-centralize ang pipila ka operation, sama sa information technology services nga gitagana ngadto sa mga organisasyon (entity). Ang ubang impormasyon ma-access sa daghang organisasyon nga gigamit sa mga Saksi ni Jehova kon gikinahanglan may kalabotan sa mga katuyoan nga gihisgotan niini nga notice ug gihisgotan sab sa librong Organisado Aron Buhaton ang Kabubut-on ni Jehova. Pananglitan, dihang modesisyon ka sa pagbalhin sa laing kongregasyon, ang imong personal nga impormasyon (basic, contact, ug spiritual data) ibalhin sa imong bag-ong kongregasyon. Sa ubang kahimtang, ang lokal nga (mga) sangang buhatan sa mga Saksi ni Jehova mahimong magproseso sa imong personal nga impormasyon aron makapadayon ka sa pagpakigbahin sa bug-os sa relihiyosong mga kalihokan sa imong bag-ong kongregasyon ug aron kanunayng up-to-date ang among mga record. Kini mahimong maglakip sa mga pagbalhin ngadto sa mga nasod nga wala maghatag ug igong proteksiyon sa personal nga impormasyon nga gitakda sa gobyerno sa Switzerland ug sa mga nasod nga walay balaod nga nagtaganag espesipikong proteksiyon sa personal nga impormasyon.

Gi-apply namo ang mga security ug legal precaution aron mapaneguro ang safety ug integrity sa imong personal nga impormasyon nga gibalhin sulod sa Religious Organization. Dihang kolektahon namo ang imong personal nga impormasyon sulod sa Switzerland, ang mga pagbalhin lang sa gawas sa Switzerland maoy

• ngadto sa recipient nga naa sa nasod nga naghatag ug proteksiyon sa imong personal nga impormasyon; ug/o

• ubos sa kasabotan nga nagsunod sa mga requirement sa data protection law sa Switzerland alang sa pagbalhin ug personal nga impormasyon ngadto sa mga data processor o data controller sa gawas Switzerland, sama sa mga standard contractual clause; ug/o

• inubanan sa imong pagtugot o consent.

Data security

Gipanalipdan namo ang pagkakompidensiyal ug seguridad sa impormasyon nga among makuha. Limitado lang ang access sa maong impormasyon, ug dunay mga polisa ug procedure aron ang maong impormasyon dili mawala, dili magamit sa sayop nga paagi, ug dili mahatag ngadto sa mga dili awtorisado.

Among giimplementar ang haom nga teknikal ug organisasyonal nga mga pamaagi aron mapaneguro ang seguridad dihang iproseso ang impormasyon ug makonsiderar gihapon ang state of the art; ang gasto sa pag-implementar; ang klase, gilapdon, context, ug mga katuyoan sa pagproseso; ug ang risgo nga madaot o malapas ang mga katungod ug kagawasan sa mga tawo. Kini nga mga lakang naglakip, pero dili limitado sa mosunod:

• access sa control, pagkakompidensiyal, ug integrity;

• seguridad sa komunikasyon ug mga operation;

• pseudonymization, anonymization, ug encryption sa personal nga impormasyon;

• pag-assess ug pagsusi sa kaepektibo sa teknikal ug organisasyonal nga mga pamaagi aron mapaneguro ang seguridad sa pagproseso.

Gipaneguro namo nga kadtong dunay permanente o regular nga access sa personal nga impormasyon o kadtong apil sa pagproseso ug personal nga impormasyon nabansay na ug napahibalo sa ilang mga katungod ug responsibilidad.

Paghatag ug personal nga impormasyon

Puwede namong ihatag ang imong personal nga impormasyon sa mosunod nga mga kahimtang:

• kon kini haom sa mga katuyoan nga makita sa seksiyon nga “Mga katuyoan ug legal nga basehanan sa among paggamit sa imong personal nga impormasyon.” Kini naglakip sa sulod sa Religious Organization;

• kon gitakda sa ma-apply nga balaod;

• kon para namo, ang paghatag niini haom lang aron mapanalipdan ang among mga katungod, property, o safety;

• kon gikinahanglan sa pag-comply sa usa ka judicial proceeding, court order, o ubang legal nga obligasyon, o usa ka regulatory o government inquiry; o

• kon kami dunay pagtugot (consent) gikan nimo.

Ang third-party recipient sa personal nga impormasyon naglakip sa mosunod:

• Mga regulatory body

• Mga korte, polis, ug mga law enforcement agency

• Mga service o support provider

Ang imong legal nga mga katungod may kalabotan sa personal nga impormasyon

Mahimo nga duna kay mga katungod ubos sa inyong lokal nga balaod may kalabotan sa imong personal nga impormasyon nga gihuptan namo. Kini mahimong naglakip sa mosunod nga mga katungod:

• Katungod nga mapahibalo kon giunsa paggamit ang imong personal nga impormasyon. Duna kay katungod nga mahibalo kon sa unsang paagi namo gamiton ug i-share ang imong personal nga impormasyon.

• Katungod sa pag-access sa personal nga impormasyon. Duna kay katungod nga mahatagag kompirmasyon kon giproseso ba namo ang imong personal nga impormasyon ug katungod sa pag-access sa imong personal nga impormasyon.

• Katungod nga mausab ang usa ka sayop nga personal nga impormasyon. Duna kay katungod nga ipausab ang bisan unsang personal nga impormasyon nga sayop o dili kompleto, pananglitan, kon gusto nimong usbon ang imong contact information.

• Katungod nga ma-delete ang personal nga impormasyon diha sa pipila ka kahimtang. Nailhan usab kini ingong “right to be forgotten.” Dili kini absolutong katungod nga nagkinahanglag pag-delete sa tanang personal nga impormasyon. Susihon namo pag-ayo ang matag hangyo subay sa ma-apply nga mga balaod.

• Katungod nga bakwion ang pagtugot o consent. Kon magproseso mig personal nga impormasyon nga gibase sa imong pagtugot o consent, duna kay katungod sa pagbakwi sa imong pagtugot bisan kanus-a. Sagad, dili mi magprosesog personal nga impormasyon base sa consent, kay sagad gamiton namo ang ubang legal nga basehanan.

• Katungod nga maghatag ug restriksiyon sa pagprosesog personal nga impormasyon sa pipila ka kahimtang. Kini nga katungod motungha kon nagduhaduha ka sa katukma sa personal nga impormasyon, kon dili ka mouyon sa pagproseso niini, kon ang pagproseso sa personal nga impormasyon maoy supak sa balaod ug dili ka mouyon nga paphaon kini ug mohangyo kag restriksiyon, o kon wala na namo i-require ang personal nga impormasyon pero gi-require nimo nga i-retain kini aron maestablisar, magamit, o mapanalipdan ang usa ka legal claim.

• Katungod sa pagkuha ug paggamit sa personal nga impormasyon para sa kaugalingong katuyoan (Right to data portability). Ang right to data portability ma-apply lang kon ang pagproseso gibase sa imong pagtugot (consent) o kon ang personal nga impormasyon kinahanglang iproseso para sa performance of a contract ug ang pagproseso himoon pinaagig automation.

• Katungod nga mosupak sa pagproseso sa personal nga impormasyon sa pipila ka kahimtang. Duna kay katungod nga mosupak dihang iproseso namo ang imong personal nga impormasyon base sa legitimate interest.

Puwede nimong gamiton ang bisan hain sa imong mga katungod pinaagi sa pagkontak sa data controller gamit ang contact information sa ibabaw o sa pagkontak sa lokal nga kongregasyon.

Kinahanglan tingali ming mohangyog espesipikong impormasyon kanimo sa pagkompirmar sa imong identity ug mapaneguro ang imong katungod sa pag-access sa imong personal nga impormasyon (o sa paggamit sa bisan hain sa ubang pa nimong mga katungod). Kini maoy alang sa seguridad ug aron mapaneguro nga ang imong personal nga impormasyon dili mahatag ngadto kang bisan kinsa nga walay katungod nga makadawat niini. Kontakon sab tingali ka namo alang sa dugang nga impormasyon bahin sa imong hangyo aron mas paspas ang paghatag namog response.

Kon nabalaka ka nga basig nalapas ang data protection law o ubang regulation sa mga Saksi ni Jehova, puwede nimong kontakon ang local data protection officer gamit ang contact information sa ibabaw. Imbestigahon sa local data protection officer ang imong inquiry ug pahibaloon ka kon unsa unyay himoon. Duna sab kay katungod nga mosumbong sa data protection authority nga responsable sa pagpatuman sa data protection law sa nasod nga imong gipuy-an, o sa lugar diin nahitabo ang gituohang paglapas, o sa pag-refer niini ngadto sa court of competent jurisdiction.

Mga kausaban niini nga notice

Mahimong magbag-o ang mga pamaagi sa mga Saksi ni Jehova sa paggamit sa personal nga mga impormasyon tungod sa mga pagbag-o diha sa relihiyosong mga kalihokan, sa balaod, o sa teknolohiya. Kon dunay kinahanglang bag-ohon niining Paggamit sa Personal nga Impormasyon nga page, ang maong kausaban i-post dinhi nga page aron masayod ang mga magmamantala bahin sa kon unsang mga impormasyon ang ginakolekta ug kon unsaon kini paggamit. Palihog i-check kanunay kon dunay mga kausaban niini nga page.