Gitahod sa tibuok kalibotan nga relihiyosong organisasyon sa mga Saksi ni Jehova (“relihiyosong organisasyon”) ang katungod sa usa ka tawo bahin sa pribasiya ug proteksiyon sa personal nga impormasyon. Giila sa relihiyosong organisasyon nga gikinahanglan ang bukas ug matinud-anong komunikasyon ug ang pagkuhag personal ug sensitibong personal nga impormasyon aron mahatag ang panginahanglan sa usa ka Saksi ni Jehova ug matuman ang katuyoan sa relihiyosong organisasyon maylabot sa relihiyon ug pagtabang sa uban, pero giila sab sa relihiyosong organisasyon nga kinahanglang ampingan ni nga mga impormasyon ug huptang kompidensiyal. (Proverbio 15:22; 25:9) Tipigan namo pag-ayo ang kompidensiyal nga mga butang.—Proverbio 20:19.

Daghang nasod ang naghimog mga balaod bahin sa pagprotektar ug impormasyon aron maseguro ang katungod sa usa ka tawo bahin sa pribasiya. Ang relihiyosong organisasyon, apil ang mga sangang buhatan niini, dugay nang nagtahod sa katungod sa pribasiya ug nag-amping sa kompidensiyal nga mga impormasyon, bisan sa wala pa ang mga balaod bahin sa pagprotektar ug impormasyon. Padayong proteksiyonan sa relihiyosong organisasyon ang kompidensiyal nga mga impormasyon nga madawat niini, nga maoy dugay nang ginahimo niini.

Mga Prinsipyo sa Pagprotektar ug Impormasyon. Gigamit sa relihiyosong organisasyon ang personal nga impormasyon base sa mosunod nga mga prinsipyo:

1. Ang personal nga impormasyon iproseso sa patas ug legal nga paagi.

2. Ang personal nga impormasyon kuhaon, iproseso, ug gamiton lang sa pagtuman sa katuyoan sa relihiyosong organisasyon maylabot sa relihiyon ug pagtabang sa uban.

3. Ang personal nga impormasyon husto ug pirmeng up-to-date. Ang bisan unsang sayop bag-ohon dayon dihang mahibal-an kini sa relihiyosong organisasyon.

4. Ang personal nga impormasyon tipigan sulod lang sa panahon nga gikinahanglan sa pagtuman sa lehitimong (mga) katuyoan sa relihiyosong organisasyon.

5. Ihatag ang igong konsiderasyon agig pagtahod sa katungod sa tag-iya sa personal nga impormasyon.

6. Sundon ang gikinahanglang teknikal ug organisasyonal nga mga regulasyon aron malikayan ang dili awtorisado ug ilegal nga paghatag ug personal nga impormasyon. Ang tanang personal nga impormasyon nga gi-save sa computer proteksiyonan pinaagig password ug kadto lang awtorisado ang dunay password. Ang mga opisina i-lock human sa oras sa trabaho, ug kadto lang awtorisado ang makasulod.

7. Ang personal nga impormasyon dili ipadala sa laing sangang buhatan gawas kon gikinahanglan aron mahimo sa relihiyosong organisasyon ang katuyoan niini maylabot sa relihiyon ug pagtabang sa uban. Ang tanang Saksi ni Jehova miuyon niini base sa kinabubut-on ug kaugalingon nilang desisyon nga mahimo ug mailhan nga Saksi ni Jehova.

Kini nga mga prinsipyo sa pagprotektar ug impormasyon mao sab ang mga prinsipyo nga ginasunod sa paggamit ug personal nga impormasyon, nga gihisgotan sa librong Organisado Aron Buhaton ang Kabubut-on ni Jehova. Kini nga libro ihatag ngadto sa tanang Saksi ni Jehova dihang mahimo silang magmamantala. Para sa dugang impormasyon, tan-awa ang Organisado Aron Buhaton ang Kabubut-on ni Jehova.

Ang usa ka indibiduwal hatagag katungod nga maproteksiyonan ang iyang personal nga impormasyon ug sensitibong personal nga impormasyon, apil ang katungod sa pag-usab o pag-delete sa iyang personal nga impormasyon ug sensitibong personal nga impormasyon, base sa sukdanan nga ginasunod sa mga Saksi ni Jehova nga mabasa diha sa Tibuok Kalibotang Polisa sa Paggamit ug Personal nga Impormasyon.

Ang Tibuok Kalibotang Polisa sa mga Saksi ni Jehova nga gihisgotan sa ibabaw naghisgot sa basehanan kon giunsa paggamit sa mga Saksi ni Jehova ang personal nga impormasyon.