Ang among hedkuwarter tua sa United States sa Amerika. Apan dili kami Amerikanong sekta tungod niini nga mga rason:

•   Ang sekta gihubit sa uban ingong usa ka grupo nga mibulag sa usa ka establisadong relihiyon. Ang mga Saksi ni Jehova wala mobulag gikan sa usa ka relihiyon. Hinunoa, kami nagtuo nga among giestablisar pag-usab ang Kristiyanidad nga gisugdan sa unang siglo.

•   Ang mga Saksi ni Jehova aktibo sa ilang ministeryo diha sa kapig 230 ka nasod. Bisag asa kami mopuyo, unahon namo pagsugot si Jehova nga Diyos ug si Jesu-Kristo, dili ang gobyerno sa Amerika o ang bisan unsang gobyerno sa tawo.—Juan 15:19; 17:15, 16.

•   Ang tanan namong doktrina gibase sa Bibliya, dili sa mga sinulat sa relihiyosong lider sa United States.​—1 Tesalonica 2:13.

•   Kami nagsunod kang Jesu-Kristo, dili kang bisan kinsa nga tawhanong lider.​—Mateo 23:8-10.