Magpatambal ba ang mga Saksi ni Jehova?
Oo, ang mga Saksi ni Jehova motomar ug tambal ug magpatambal. Bisan tuod atimanon namo ang among lawas ug huptan ang maayong panglawas, usahay kami “magkinahanglag doktor.” (Lucas 5:31, Maayong Balita Biblia) Gani, sama sa unang-siglong Kristohanon nga si Lucas, may mga Saksi ni Jehova nga doktor.—Colosas 4:14.
Apan, ang pipila ka paagi sa pagtambal nahisupak sa mga prinsipyo sa Bibliya busa gidumilian namo kini. Pananglitan, dili mi magpaabonog dugo kay ang Bibliya nagdili sa pagpasulod ug dugo sa lawas. (Buhat 15:20) Gidili usab sa Bibliya ang mga paagi sa pagtambal nga nalangkit sa espiritismo.—Galacia 5:19-21.
Hinuon, kadaghanan sa mga paagi sa pagtambal dili supak sa mga prinsipyo sa Bibliya. Busa, nagdepende kini sa matag usa. Ang usa ka Saksi mahimong modawat sa usa ka matang sa tambal o pagtambal, samtang ang laing Saksi dili modawat niana.—Galacia 6:5.
Basin Ganahan Pod Ka
TUBAG SA MGA PANGUTANA BAHIN SA BIBLIYA
Magpatambal ba ang Usa ka Kristohanon?
Hinungdanon ba sa Diyos kon unsang matanga sa pagtambal ang atong pilion?
KOMON NGA MGA PANGUTANA
Nganong Dili man Magpaabonog Dugo ang mga Saksi ni Jehova?
Daghan ang sayop nga mga ideya bahin sa mga Saksi ni Jehova ug sa pag-abonog dugo. Sayra ang kamatuoran bahin sa among pagtuo labot niining butanga.
KOMON NGA MGA PANGUTANA
Supak ba ang mga Saksi ni Jehova sa Pagpabakuna?
Duha ka prinsipyo sa Bibliya nga makatabang nato sa paghimog personal nga mga desisyon bahin sa pagpabakuna.
INTRODUKSIYON PARA SA PAGSANGYAW
Kinsa ang mga Saksi ni Jehova?
Daghang tawo ang gustong mahibalo kon kinsa ang mga Saksi ni Jehova. Pagsusig dugang gikan mismo sa tinubdan.
BAHIN KANAMO
Hangyo nga Magpaduaw
Pakighisgot bahin sa usa ka topic sa Bibliya, o pagkat-og dugang bahin sa mga Saksi ni Jehova.