Excavator nagkargag yuta sa dump truck. Ang yuta kubkobon ug ibalhin sa laing lugar sa site agig pagpangandam sa konstruksiyon.

Mga membro sa Electrical Department nagplastar sa mga data cable. Kini nga bilding gamiton nga temporaryong mga opisina ug kan-anan panahon sa konstruksiyon sa bag-ong sangang buhatan nga naa ra sa duol.

Gipakita sa aerial view ang plano sa bag-ong rotunda ug dalan pasulod sa sangang buhatan. Sa walang bahin sa rotunda, giandam ang garden ug pond, nga may luna nga tan-awanan sa mga taga-didto ug sa mga bisita.

Ang mga semento gikan sa site gidugmok ug gamitog usab para sa mga karsada sa site.

Sa atubangang bahin, gitrabaho ang temporaryo ug permanenteng mga karsada. Gihanig nila ang mga rolyo sa puting geotextile membrane, usa ka klase sa panapton nga masuphag tubig para molig-on ang pundasyon sa karsada. Sa likod nga bahin sa hulagway dapit sa tuo, gi-compact sa usa ka road roller ang yuta sa dili pa hanigan ug geotextile membrane.

Mga boluntaryo nanguhag impormasyon diha sa usa sa 18 ka regional event nga gihimo sa Construction Project Committee sa tibuok Britain ug Ireland. Kapig 15,000 ka Saksi ang mitambong, ug daghan ang gustong moboluntaryo sa proyekto.

Gihabokan sa mga landscaper ang bag-ong gitanom nga white willow tree. Usa lang ni sa kapig 700 ka kahoy nga gitanom niining dapita. Ang pond gidisenyo nga makapamenos sa pagbaha human sa kusog nga bagyo, ug tigomon niini ang tubig sa ulan ug anam-anam nga ipaawas.

Sa usa ka gabonon nga adlaw, gipaspasan ang pagkubkob ug paghakot sa mga yuta aron mapatag kini samtang hapit nang sugdan ang pagtukod. Sa katibuk-an, ang mga kontraktor nakakubkob ug nakahakot ug mga 160,000 cubic meters (209,000 cu yd) nga yuta​—nga nakapuno sa kapig 10,000 ka dump truck!

Giandam sa landscaping team ang yuta nga tamnan diha sa utlanan sa regional species garden. Kini nga garden ug ang palibot niini natamnan nag 11 ka klase sa kahoy ug 16 ka klase sa tanom, nga nanubo gyod niining dapita.

Sa walang bahin, usa ka piling rig nagkalot ug bangag para sa pundasyon. Una, bangagan ang yuta. Dayon, buboan kinig semento. Pagkahuman, sama sa makita sa tungang bahin sa hulagway, gibutangag kabilya sa mga kontraktor ang semento aron makompleto ang pundasyon. Kapig 360 ka poste ang naplastar ingong bahin sa mga pundasyon sa mga residence building.

Sa usa ka tugnawng buntag, gikonektar sa usa ka plumber ang tubo nga magsuplay ug tubig sa temporaryong mga opisina sa site.

Usa ka amphibious excavator nagkubkob ug lapok ug uban pang mga sagbot sa pond nga duol sa site. Ubay-ubay niini nga pond ang hugaw na kaayo ug kinahanglang hinloan. Ang pag-ayo sa mga daplin sa pond makapugong nga dili mabanlas ang yuta ug dili mobaha. Kapig 2,500 ka isda ang maampingong gibalhin ngadto sa laing mga pond sa site sa wala pa kini ayoha.

Aerial view sa site nga makita gikan sa sidlakan (east). Sa likod nga bahin, gisugdan na ang pundasyon sa duha ka residence building. Sa ubos nga bahin dapit sa tuo, gipagimaw ang ibabawng mga bahin sa mga pundasyong poste. Sa ubos nga bahin dapit sa wala, gisemento na ang palibot sa mga poste. Sa tunga, ang piling rig padayong nagkubkob para sa mga pundasyong poste.

Membro sa finishes team nagbutag sealant sa doorframe sa Visitor Center sa wala pa pintali. Dinhi makita sa mga mobisita ang eksibit nga nagdetalye sa proyekto ug ang kaugmaran sa konstruksiyon gikan sa ibabaw nga viewing deck.

Pagplastar sa slewing ring, nga nagsuportar sa pagtuyok sa tower crane. Kini nga crane, nga may gitas-ong 40 metros (131 ft), makaalsa kutob ug 16 metric tons (18 tn).

Ang milabaw nga poste tabasan kutob sa gikinahanglang lebel. Ang milabaw nga mga kabilya diha sa tunga ikonektar ngadto sa semento nga ibuhos sa ibabaw niini.

Mga elektrisyan nagtaod sa usa sa duha ka JW.ORG nga karatula nga makita sa entrada sa branch property.

Elevated view sa natapos nang rotunda nga giagian sa daghang sakyanan duol sa main entrance. Sa ibabawng bahin sa wala, ang bag-ong nataod nga JW.ORG nga mga karatula nag-advertise sa branch property. Dihang mahuman na ang attenuation pond ug regional species garden, makadugang kini sa nindot nga talan-awon sa may entrada.

Ang tower crane nga may 65-metros (213 ft) nga boom, magtuyoktuyok sa dapit nga tukoran sa upat sa lima ka residence building. Sa atubangang bahin, ang mga kontraktor nagbuhos ug semento sa parkinganan nga basement sa usa sa mga residence building. Naplastar na ang mga kabilya para sa mga poste ug pader sa mga building.